අවුරුදු දෙකකින් විශ්‍රාම ගන්න කිසිම සැලැස්මක් නැහැ – අගමැති මහින්ද
හොරොව්පතාන අලි රැඳවුම් මධ්‍යස්ථානයේ රඳවා සිටි අලි ඇතුන් 31 දෙනෙකු අතුරුදහන් වී 12 දෙනෙකු මියගොස් ඇති බව විගණන වාර්තාවකින් අනාවරණය වේ. මෙම අලි රැඳවුම් මධ්‍යස්ථානයට අලි ඇතුන් 52නෙකු 2015 වසරේ මේය ආරම්භ කිරීමත් සමග යොමු කර තිබේ. මෙයින් අලි 12 දෙනෙකු ආහාර අහේනිය සහ මන්ධපෝෂණය නිසා මියගොස් ඇති අතර ඉතිරිව ඇත්තේ අලි ඇතුන් 09 දෙනෙකු බව එම විගණන වාර්තාවෙන් හෙළිකර ඇත. අලි ඇතුන් සඳහා ආහාර සැපයීමට වසරක් තුළදී රුපියල් දෙකෝටි හැට එක්ලක්ෂ තිස්තුන්දහස් හතිසියයක් (රු. 26,133,700) කොන්ත්‍රාත් වශයෙන් ලබාදී තිබියදී අලි 12 දෙනෙකු ආහාර අහේනියෙන් මියගොස් තිබීම විශේෂත්වයකි. එමෙන්ම අලින් 31 දෙනෙකු මෙම මධ්‍යස්ථානයෙන් පැන ගියාද නැතහොත් මියගියාද යන්න පිළිබඳව වනජීවි දේපාර්තමේන්තුව සතුව කිසිදු තොරතුරක් නැති බව එම විගණනයෙන් සොයාගෙන තිබේ. මූලාශ්‍ර – අද
වසර දෙකකට පසු විශ්‍රාම ගැනීමට තමාට කිසිදු සැලසුමක් නොමැති බව අගමැති මහින්ද රාජපක්ෂ මහතා ඉංග්‍රීසි මාධ්‍යයකට අදහස් දක්වමින් ප්‍රකාශ කර සිටියේය.
˝වසර පහකට ජනතාව විසින් මාව තෝරා පත්කරලා තියෙනවා.” එනිසා තම ධූර කාලය අවසන් වීමට පෙර විශ්‍රාම නොයන බව ප්‍රකාශ කර ඇත. කෙසේ වෙතත්, ˝වසර දෙකකට පසු මට ධූරයෙන් ඉවත් වීමට අවශ්‍ය නැත˝ යැයි ඔහු අවධාරණය කළේය.
මහින්ද රාජපක්ෂ මහතා කුරුණෑගල දිස්ත්‍රික්කයේ පසුගිය මහ මැතිවරණයට ඉදිරිපත් වී මනාප ඡන්ද ලක්ෂ පහකට වඩා ලැබුණි. මෙවැනි තත්වයකදී තවත් වසර දෙකකින් එනම් 2022 වර්ෂයේ අගමැති මහින්ද රාජපක්ෂ මහතා දේශපාලනයෙන් විශ්‍රාම යෑමට සූදානම් වන බව මාධ්‍යය විසින් වාර්තා කර තිබීම සදහන් කළ යුතුය.
About The Author
