මෙරට අවුරුදු 19-25 තරුණයින් අතර HIV ඉහළ යයි !

ශ්‍රී ලංකාවේ වයස අවුරුදු 19 – 25 ත් අතර වයස් කාණ්ඩයේ පිරිමි දරුවන් අතර HIV ආසාදනය වීම වැඩි වශයෙන් වාර්තා වෙමින් පවතින බව ජාතික ලිංගාශ්‍රිත රෝග හා ඒඩ්ස් මර්දන වැඩසටනේ අධ්‍යක්ෂිකා, විශේෂඥ වෛද්‍ය රසාංජලී හෙට්ටිආරච්චි පවසනවා.
මීට අමතරව තවත් විශේෂ කරුණක් කෙරෙහි සමාජයේම අවධානය යොමුවිය යුතු බවද වෛද්‍යවරිය පැවසුවාය. එනම් විද්‍යාත්මක ප්‍රක්ෂේපණ අනුව 2020 වසර වන විට  මෙරට තුල HIV ආසාදිතයින් 3600 (තුන්දහස් හයසියයක්) ජාතික ලිංගාශ්‍රිත රෝග හා ඒඩ්ස් මර්දන වැඩසටනේ සායන වල ලියාපදිංචි වී ප්‍රතිකාර ලබා ගත යුතු වුවත් දැනට ලියාපදිංචි වී සිටින්නේ  පුද්ගලයින් (2000) දෙදහසක් පමණක් බව ඇය අනාවරණය කලා.