100% ස්වභාවික පෝෂ්‍යදායි ප්‍රෝටීන් පිටි - ORA Naturals

TNA නායකයින් ඝාතනය නොකිරීම ගැන අද පසුතැවෙනවා – කරුණාගෙන් තවත් ආන්දෝලනාත්මක ප්‍රකාශයක් (Video)

මඩකලපුව, කලවන්චිකුඩි ප්‍රදේශයේ පසුගියදා පැවැති ජන හමුවකදී කරුණා අම්මාන් හෙවත් විනායගමූර්ති මුරලිදරන් මහතා තවත් ආන්දෝලනාත්මක ප්‍රකාශයක් කළේ ය.

මේ ප්‍රකාශයෙන් ඔහු පවසන්නේ දෙමළ ජාතික සන්ධානය පිළිබඳව ය.

‘‘ මේ දෙමළ ජාතික සන්ධානය හැදුවේ මම තමයි. සිවරාම් කියන පුවත්පත් මාධ්‍යවේදියෙක් ඇවිල්ලා මට යෝජනාවක් කෙරුවා අම්මාන් යුද්දේ සිදුවෙනවා යුද්ධය ගැන බාහිර ලෝකයට පෙන්වන්න ඕන කියලා. යුද්ධයේ සැබෑ තත්ත්වය, අහිමිවීම්, බලපෑම් පාර්ලිමේන්තුවේ ඇහෙන්න ඕනෑ. එතකොට මම ගිහිල්ලා නායකයාට කිව්වා මෙහෙමයි කියලා. එතකොටම එයා කිව්වා මම වෙඩි තියන්න කියපු හැමෝවම ඔයා ගෙන්වන්න හදනවා ද කියලා. තේරෙනවා නේද? ඒක තමයි අපි කරපු වැරැද්ද. එයා කිව්ව දේ අද කරලා තියෙන්නයි තිබු‍ණේ. ඊට පස්සේ එකතුවෙලා මේක කරන්නම ඕනෑ කියලා කිව්වා. හරි කියලා කැඳෙව්වා වන්නියට. කැඳවලා කතාකරලා ඉවරවුණාම නායකයා කිව්වා සම්බන්දන් මහත්තයා තමයි මේ කණ්ඩායමට, සන්ධානයට නායකයා කියලා. එතකොට හැමෝම හරියි කිව්වා. දැන් ටී.වී එකේ සම්බන්දන් මහත්තයා කොහොමද දෙන්නේ. කොටින්ටයි අපිටයි සම්බන්ධයක් නෑ. එයාගේ බුද්ධිය නරක්වෙලා. විශ්‍රාම යන වයසේ මොනවා කතා කරනවාද කියලාවත් දන්නෑ.දෙන්නෙක් අතින් අල්ලන් යන්න ඕනෑ ජන්දේ දාන්නත්. ඒ වගේ නායකයෙක් ඕනෑ ද අපිට.‘‘

-credits:lankaleadnews | newsfirst-

Leave a Reply

Your email address will not be published. Required fields are marked *