Ocean Gate සියලු ගවේෂණ සහ වාණිජ මෙහෙයුම් දින නියමයක් නොමැතිව අත්හිටුවයි
Ocean Gate සියලු ගවේෂණ සහ වාණිජ මෙහෙයුම් දින නියමයක් නොමැතිව අත්හිටුවයි
අමෙරිකාවේ OceanGate සමාගම සියලු ගවේෂණ සහ වාණිජ මෙහෙයුම් දින නියමයක් නොමැතිව අත්හිටුවා ඇතැයි විදෙස් මාධ්‍ය වාර්තා කරයි. එම සමාගම සිය වෙබ් අඩවියේ මේ බව නිවේදනය කර ඇත.
එම සමාගමේ ටයිටන් සබ්මැරිනය පසුගිය 18වැනිදා අතුරුදහන් වූ අතර, අමෙරිකා වෙරළාරක්ෂක බලකාය ජූනි 22වැනිදා නිවේදනය කළේ එය පිපිරීමකට ලක්ව ඇති බවය.
එහි සිටි Ocean Gate සමාගමේ විධායක නිලධාරී ස්ටොක්ටන් රෂ්, බ්‍රිතාන්‍ය ගවේෂක හමිෂ් හාඩින්, ප්‍රංශ සබ්මැරීන විශේෂඥ පෝල්-හෙන්රි නර්ජොලට් සහ පකිස්තාන-බ්‍රිතාන්‍ය අධිපති ෂාසාදා ඩාවුඩ් සහ ඔහුගේ පුත් සුලේමාන් ටයිටන් පුපුරා යාමෙන් ක්ෂණිකව මියගොස් ඇතැයි අනුමාන කෙරේ.
ගැඹුරු සාගර පත්ලේ තිබී සොයාගත් සුන්බුන් වලින් අනුමාන කළ මිනිස් අවශේෂ සොයා ගැනීමට පසුගිය සතියේ නැගෙනහිර කැනඩාවේ නිව්ෆවුන්ඩ්ලන්ඩ් හි ශාන්ත ජෝන් වරාය වෙත රැගෙන ගියේය.
ටයිටන් සබ්මැරිනය පුපුරා ගියේ කෙසේද යන්න පිළිබඳව මේ වන විට පරීක්ෂණයක් සිදුවෙමින් පවතී. එක්සත් ජනපද වෙරළාරක්ෂක බලකායේ නායකත්වයෙන් යුත් බලධාරීන් පැවසුවේ අනාගතයේදී මෙවැනි අනතුරු වළක්වා ගැනීම මෙම පරීක්ෂණයේ අරමුණ බවයි.
