භූ කම්පනයෙන් 50,000ක් අතුරුදන් – වෙනිසියුලාවේ රජය
භූ කම්පනයෙන් 50,000ක් අතුරුදන් - වෙනිසියුලාවේ රජය
වෙනිසියුලාවේ සිදුවූ ප්රබල භූ කම්පන ද්විත්වයෙන් පසු පුද්ගලයන් 50,000කට ආසන්න සංඛ්යාවක් පිළිබඳ මෙතෙක් කිසිදු තොරතුරක් වාර්තා වී නැතැයි එරට බලධාරින් මේ වන විට තහවුරු කර තිබේ.
පසුගිය ජූනි මස 24 වැනිදා පස්වරුවේ එරට කර්කාස් අගනුවර සහ උතුරු පළාතේ ලා ගුවේයිරා වෙරළබඩ කලාපයේ කේන්ද්ර කරමින් සිදුවූ රිච්ටර් මාපකයේ 7.2ක සහ 7.5ක ප්රබල භූ කම්පන දෙකකින් පසු දසදහසක සිට ලක්ෂය දක්වා අතර ජීවිත සංඛ්යාවක් මිහිදන් වනු ඇතැයි
අමෙරිකාවේ භූ විද්යා හා ස්වභාවික ආපදා නිරීක්ෂණ මධ්යස්ථානය සිදු කළ අනතුරු ඇඟවීම ඒ අනුව තහවුරු වී තිබේ.
එම භූ කම්පනය වසර 125කට පසු ලතින් අමෙරිකානු කලාපය කේන්ද්ර කරමින් සිදුවු දරුණුතම දෙවැනි භූ කම්පනය ලෙස සැලකෙන අතර, වෙනිසියුලාවේ වැඩබලන ජනාධීපතිනිය ඩෙල්සි රොඩ්රිගස් ප්රකාශ කර ඇත්තේ එය වෙනිසියුලාවේ මෙතෙක් වාර්තා වූ දරුණුතම ස්වභාවික ඛේදවාචකය ලෙසටය.
භූ කම්පනය සිදුවී ඊයේ වනවිට දින 8ක් සම්පූර්ණ වී ඇති අතර, මෙතෙක් සොයාගෙන ඇති මළසිරුරු සංඛ්යාව
2,295 දක්වා ඉහළ ගොස් තිබේ. තුවාල ලැබූ සංඛ්යාවද 11,267 දක්වා ඉහළ ගිය බව එරට මාධ්ය සඳහන් කරයි. භූ කම්පනයෙන් විනාශ වූ අතිවිශාල ගොඩනැඟිලි සුන්බුන් අතර තවදුරටත් සෝදිසි මෙහෙයුම් සිදුකරන බව එරට රජය නිවේදනය කර ඇතැයිද වාර්තා වේ.
About The Author
