මැදපෙරදිග යුද්ධය නිසා කොන්ඩම් මිලත් ඉහළ යන ලකුණු

මැදපෙරදිග පවතින යුදමය තත්ත්වය හේතුවෙන් මැලේසියාව පදනම් කරගත් ලොව විශාලතම කොන්ඩම් සමාගම එහි මිල ගණන් ඉහළ දැමීමට තීරණය කර තිබේ.

එම සමාගමේ ප්‍රධාන විධායක නිලධාරිවරයා මාධ්‍ය වෙත අදහස් දක්වමින් පවසා ඇත්තේ, මෙම කොන්ඩම් නිෂ්පාදන සඳහා භාවිතා කරන අමුද්‍රව්‍ය සැපයුමට බාධා එල්ල වුවහොත් එහි මිල 30%කින් හෝ ඊට වැඩි ප්‍රමාණයකින් ඉහළ නංවන බවයි.

මේ අතර, ඔහු පවසා ඇත්තේ නිෂ්පාදන පිරිවැය දැඩි ලෙස ඉහළ ගොස් ඇති බවයි.

මෙම සමාගම වසරකට කොන්ඩම් බිලියන පහකට වඩා වැඩි නිෂ්පාදන ප්‍රමාණයක් වෙළෙඳපොළට එක්කරන බව වාර්තා වෙයි.

මේ අතර, 2026 වසරේ ගත වූ කාල සීමාව තුළ කොන්ඩම් සඳහා ඇති ඉල්ලුම 30%කින් පමණ ඉහළ ගොස් ඇති බවද එම සමාගම සඳහන් කරයි.