Type to search

පාස්කු විමර්ශන වාර්තාව තියාගෙන (සාරා සැගවීමට) හැංගිමුත්තන් සෙල්ලම් කරන්න එපා

100% ස්වභාවික පෝෂ්‍යදායි ප්‍රෝටීන් පිටි - ORA Naturals

පාස්කු ප්‍රහාරය පිළිබඳ විමර්ශන වාර්තාව තියාගෙන හැංගිමුත්තන් සෙල්ලම් කරන්න එපා යැයි ඉල්ලා සිටි සමගි ජන බලවේගයේ පාර්ලිමේන්තු මන්ත්‍රී මුජිබුර් රහ්මාන්, එම වාර්තාව පාර්ලිමේන්තුවට ඉදිරිපත් කරන අතරම නීතිපති දෙපාර්තමේන්තුවට ද යොමු කර එම නිර්දේශයන් ක්‍රියාත්මක කරන ලෙස ඉල්ලා සිටියේය.

ජනාධිපති කොමිසම විභාග කිරීම සඳහා තවත් දේශපාලන මණ්ඩලයක් පත්කිරීමේ ස්වාධීනත්වයක් නොමැති බව පැවසූ ඔහු, ආණ්ඩුව ඉදිරියට ගෙන යාම, අවශ්‍ය අය ආරක්ෂා කිරීම සහ අවශ්‍ය දේ වසන් කිරීම සඳහා අනුකමිටුව පිහිටුවා ඇති බව පැවසීය.

කොළඹ පැවති මාධ්‍ය හමුව අමතමින් ඔහු කියා සිටියේ, “මෙම අනුකමිටුවේ ඉලක්කය වන්නේ අප සහ මේ රටේ ජනතාවගේ විශ්වාසය අඩපණ කිරීමයි. මේ හරහා යමෙකු බේරා ගැනීමට උත්සාහයක් ගනු ඇතැයි අපි සැක කරමු. එබැවින්, අනු කමිටුවක් අනවශ්‍යයි. වාර්තාව වහාම නීතිපති වෙත ඉදිරිපත් කරන්න. යැයි ඉල්ලා සිටියේය.

මෙම ප්‍රහාරයේ සාරා නම් පුලස්තීනි යන අයගේ භූමිකාව වසන් කිරීම සඳහා අනුකමිටුව පිහිටුවා ඇති බවට වූ සැකය මේ වන විට ශක්තිමත් වී ඇති බවත්, අනුකමිටුවේ බොහෝ සාමාජිකයින්ට දැවැන්ත චෝදනා එල්ල වී ඇති බවත් ඔහු පැවසීය. එම චෝදනාවලින් පවා ඔවුන් තවමත් නිදොස් කොට නොමැත. එබැවින් එවැනි විත්තිකරුවන් මෙම කමිටුවට පත් කිරීම එම විශේෂඥ මණ්ඩලයට කරන අපහාසයක් ලෙස අපි සලකමු.
එබැවින්, මෙම කමිටුව අනවශ්‍ය දෙයක්. මෙය දේශපාලන වාසි තකා පත් කරන ලද කමිටුවක් බවත්, වාර්තාව ප්‍රමාද කිරීමෙන් වාර්තාවේ පිටු ඉරා නොදැමිය යුතු බවත් ඉවත් නොකළ යුතු බවත් ඔහු පැවසීය.
-තමිළ්මිරර්

Tags:

Leave a Comment

Your email address will not be published. Required fields are marked *