Type to search

ජනපති ගෝඨාභයගේ කළමනාකරණය අසාර්ථකද? – ප්‍රශ්න නඟන සමගි ජන බලවේගය

Share

“ජනපති ගෝඨාභය රාජපක්ෂගේ ආර්ථික කළමනාකරණය සාර්ථක වී තිබේද? නැත්නම් අසාර්ථක වී තිබේද? මෙම කළමනාකරණය පිළිබඳව මිනිසුන් සෑහීමකට පත්වී තිබේද?” යනුවෙන් සමගි ජන බලවේගය පාර්ලිමේන්තු මන්ත්‍රී හර්ෂ ද සිල්වා ප්‍රශ්න කර සිටියේය.

තවද, ඉදිරියේදී මුහුණ දීමට යන ආර්ථික අර්බුදය සම්බන්ධයෙන් යථාර්තය අවබෝධ කරගෙන ක්‍රියා නොකළේ නම් සිදුවීමට යන ප්‍රතිවිපාක වලක්වා ගැනීමට නොහැකි වන බව, විපක්ෂ කාර්යාලයේදී පැවති මාධ්‍ය හමුවකදී ඔහු මෙලෙස පවසා සිටියේය.

ජාත්‍යන්තර ණය ආපසු ගෙවීමට ශ්‍රී ලංකා රජයට ගැටලු ඇතිවීමට ඉඩ ඇති බව ජාත්‍යන්තර ආයෝජන ආයතන අනතුරු අඟවා ඇති බව අප කිහිපවිටකදී ඒත්තු ගන්වා තිබුණද රජය ඒ බවක් අවධානයට ලක් කොට ඇති බවක් නොපෙනේ.

සැබෑ තත්වය පිළිබඳව ජනතාව දැනුවත් නොකර රජය ආර්ථික අර්බුදය වසන් කරයි. මේ ආකාරයට මිනිසුන් රවටා ගැනීමෙන් සිදුවන හානිය වළක්වා ගත නොහැකිය.

ජනපති ගෝඨාභය රාජපක්ෂ මහතා ඔහුගේ පැත්තෙන් විද්වතුන්, බුද්ධිමතුන් සිටින බව පෙන්වීමට උත්සාහ කළද ඔහුගේ කළමනාකරණ සැළසුම් ඵලදායි නොවන බව දැන් සහතිකයි.

මුලින් සැලසුම් නොකළ බදු කප්පාදුව නිසා ඇති වූ ආර්ථික අර්බුදය කොරෝනා වෛරසය පැතිරීම නිසා උග්‍ර වී තිබේ. මෙම තත්වය තුළ ජාත්‍යන්තර ණය ගෙවීම සඳහා අපට යම් කාලයක් වෙනුවෙන් ඩොලර් සංචිතයක් ඉතිරි කර ගත යුතුයි.

සුපුරුදු තත්වයට වඩා වෙනස් ගැටළුවලට මුහුණ දීමට සිදුවුවහොත් ඒ අනුව අපගේ ක්‍රියාවන් අනුවර්තනය කර ගත යුතුය. අනෙක් රටවල් කරන්නේ එයයි. නැගී එන ආර්ථිකයන් ඇති රටවල් අතර ශ්‍රී ලංකාවත් පිළිගැනීමක් ලබා ගෙන ඇත. කෙසේ වෙතත් රජයේ ආදායමෙන් 70% ක් පොළී ගෙවීමට භාවිතා කළ යුත්තේ ජාත්‍යන්තරව ලබාගත් ණය සඳහා පමණි.

ඉදිරි මාස 12 තුළ පමණක් ඩොලර් බිලියන 6ක ණය ආපසු ගෙවිය යුතුය. එවැනි තත්වයක් තුළ, සත්‍යය රටේ ජනතාවගෙන් සඟවා තැබීමෙන් පලක් නැත.

එමෙන්ම ජාත්‍යන්තර මූල්‍ය අරමුදල සමඟ සාකච්ඡා කර විසඳුමක් ලබා ගත යුතුය. ඒ සඳහා සමානව ණය ගන්නා රටවල් සමග සාකච්ඡා කර කාලය ලබා ගත යුතුය. අගමැති මහින්ද රාජක්ෂ ඉන්දියාවෙන් කළ ඉල්ලීමට තවමත් විසඳුම් ලැබී නැත. මෙලෙසම චීනයෙන් ඉල්ලා සිටි නමුත් එයටද පිළිතුරු ලැබී නොමැති බවත් ඔහු පවසා සිටියේය.

Tags:

Leave a Comment

Your email address will not be published. Required fields are marked *