රාජපක්ෂලා පොල් කඩමින් සිටියාද? බිමල් රත්නායක ප්‍රශ්න නගයි…
බිමල් රත්නායක
සහස්‍ර ගිවිසුම සම්බන්ධයෙන් රජය මුළුමනින්ම තොරතුරු නොදන්නාක් මෙන් සිටින ආකාරය බලන විට, රාජපක්ෂලා බලයට පත් වීමට පෙර පොල් කඩමින් සිටියාද කියා හිටපු පාර්ලිමේන්තු මන්ත්‍රී බිමල් රත්නායක මහතා ප්‍රශ්න නගා ඇත.
ඔහු ඊයේ දිනයේ ජනතා විමුක්ති පෙරමුණ මූලස්ථානයේ දී මාධ්‍යවේදීන් අමතමින් මේ බව කියා සිටියේ ය.මෙහිදී ඔහු තව දුරටත් ප්‍රකාශ කර සිටියේ,
“මිලේනියම් චැලේන්ජ් (එම්. සී. සී.) ගිවිසුම සම්බන්ධ වර්තමාන යෝජනා මඟින් රජයේ දේශපාලන කුමන්ත්‍රණ හෙළි කරයි. එ.ජා.ප. රජය අදියර දෙකක ගිවිසුමක් අත්සන් කර ඇති බව ඔබ දැන් දන්නවාද? මෙම තොරතුරුත් ජේ.වී.පී. ය විසින්ම දැනුම් දිය යුතුද? එම නිසා බලයට පත් වීමට පෙර රාජපක්ෂලා පොල් කඩමින් සිටියාද?
යහපාලන ආණ්ඩුවේ එම්.සී.සී. ගිවිසුම සම්බන්ධයෙන් පාර්ලිමේන්තුවේ සාකච්ඡා කරන විට ජනතා විමුක්ති පෙරමුණ පමණක් විරුද්ධත්වය ප්‍රකාශ කළේය. නමුත් ශ්‍රී ලංකා පොදු ජන පෙරමුණ සමඟ එක් වී වැඩ කළ ශ්‍රී ලංකා නිදහස් පක්ෂය කිසිඳු විරෝධතාවයක් ප්‍රකාශ කළේ නැත.
මෙම දෙපක්ෂයෙහිම සාමාජිකයින් 50කට වැඩි පිරිසක් එදින පාර්ලිමේන්තුව නියෝජනය කළහ. විශේෂයෙන්ම රාජපක්ෂලා මේ සම්බන්ධ කිසිඳු අවස්ථාවක විරුද්ධත්වය ප්‍රකාශ කළේ නැත.
නමුත් පසුගිය ජනාධිපතිවරණ සමයේ දී ගෝඨාභය රාජපක්ෂ මහතා අපේක්ෂකයෙකු ලෙස ප්‍රකාශයට පත් කිරීමෙන් පසු එම්.සී.සී. ගිවිසුම ප්‍රධාන මාතෘකාව ලෙස දක්නට ලැබිණි.
කෙසේ වෙතත් එම්. සී. සී. ගිවිසුම ගෝඨාභය රාජපක්ෂ මහතා හට වැඩි ඡන්ද ප්‍රමාණයක් අත් කර දුන්නේය. මේ පිළිබඳව රාජපක්ෂලා කතා නොකර සිටියා නම් ඔවුන් ජයග්‍රහණය නොකරනු ඇත. එක්සත් ජාතික පක්ෂයේ කැබිනට් මණ්ඩලය ද මෙයට අනුමැතිය ලබා දුනි.
මේ සියල්ල වත්මන් ආණ්ඩුවේ දේශපාලන කුමන්ත්‍රණ බව ජනතාව තේරුම් ගත යුතුය. එම්. සී. සී. ගිවිසුමට අත්සන් නොකරන බවට පවසා ඡන්දය ලබා ගත් පසුව, අහිංසක ජනතාව නොරවටන ලෙස ඉල්ලා සිටිමු.”
-lankatruth-
About The Author
