සෞදි අරාබිය සහ පාකිස්තානය අතර ඩො.බි 10ක ආරක්ෂක ගිවිසුමක්
සෞදි අරාබිය සහ පාකිස්තානය අතර ඩො.බි 10ක ආරක්ෂක ගිවිසුමක්
සෞදි අරාබිය සහ පාකිස්තානය අතර අමෙරිකානු ඩොලර් බිලියන 10ක උපායමාර්ගික අ‍ෙන්‍යාන්‍ය ආරක්ෂක ගිවිසුමකට අත්සන් තබා ඇතැයි විදෙස් මාධ්‍ය වාර්තා කරයි.
මීට දින 40කට පෙර රියාද් අගනුවර පිහිටි අල් යමාමා මාලිගාවේදී සෞදි අරාබියේ ඔටුන්න හිමි මොහොමඩ් බින් සලමාන් කුමරු සහ එවකට සෞදි අරාබියේ සංචාරයක නිරත වූ පාකිස්තාන අගමැති ශෙබාස් ෂරීෆ් අතර එම ගිවිසුමට අත්සන් තබා ඇතැයිද විදෙස් මාධ්‍ය වැඩිදුරටත් වාර්තා කරයි. එම ගිවිසුම යටතේ සෞදි අරාබියේ ආරක්ෂක කටයුතු, ඒකාබද්ධ මෙහෙයුම් සහ පුහුණුවිම් සඳහා විසිපන්දහසකට අධික පාකිස්තාන හමුදා සෙබළුන් පිරිසක් අනුයුක්ත කිරීමට නියමිතව ඇතැයි ද විදෙස් මාධ්‍ය සඳහන් කරයි.
සෞදි අරාබියේ න්‍යාෂ්ටික ආරක්ෂාව සඳහා මෙන්ම ඊශ්‍රායලය විසින් ගාසා තීරයේ සිදු කරනු ලබන යුද මෙහෙයුම්වලදී සෞදි අරාබියේ ආරක්ෂාව තර කිරීමේ උපායමාර්ගික ක්‍රමවේදයක් ලෙස සිදු කළ එම ගිවිසුම අත්සන් තබා ඇත්තේ ඊශ්‍රායල හමුදාව කටාර් රාජ්‍යයේ දෝහා අගනුවරට ගුවන් ප්‍රහාරයක් එල්ල කිරීමෙන් පසුව බවද විදෙස් මාධ්‍ය වාර්තා කරයි. මැදපෙරදිග කලාපයෙන් බාහිර රාජ්‍යයක් ලෙස ඊශ්‍රායලයට එරෙහිව විශාල හඬක් නඟමින් සිටින පාකිස්තානය මැදපෙරදිග කලාපයේ ආරක්ෂාව සඳහා සෘජු දායකත්වයක් එම ආරක්ෂක ගිවිසුම තුළින් සපයනු ඇතැයිද වාර්තා වේ.
About The Author
