ලෝක ජනගහනයෙන් මිලියන 850ක් ගොදුරු වී ඇති වකුගඩු රෝගය

ලෝක වකුගඩු දිනය අදට (13)ට යෙදී තිබෙනවා.

ඒ පිළිබද දැනුවත් කිරිමේ වැඩසටහනක් ශ්‍රී ලංකා පදනම් ආයතනයේ දී පැවැත්වුණා.

වකුගඩු රෝග පිළිබද දැනුවත් කිරීම උදෙසා යු ටියුබ් නාලිකාවක්ද මෙහිදි එළිදැක්වුණා.

මෙහිදි පාසල් 9ක දරුවන් උදෙසා දැනුවත් කිරීමක් සිදුවුනු අතර සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ඇතුලු පිරිසක් මෙම අවස්ථාවට එක්ව සිටියා.

ලෝක ජනගහනයෙන් මිලියන 850කට වැඩි පිරිසක් වකුගඩු රෝගයට ගොදුරු වී ඇති බවට අනුමාන කෙරෙනවා.

ගෝලීය දත්ත අනුව ජනගහනයෙන් දීර්ඝකාලීන වකුගඩු රෝගීන් හඳුනාගෙන ඇත්තේ සෑම දසදෙනකුගෙන් එක් අයකු ලෙස පමණි.

ලෝක වකුගඩු දිනය වාර්ෂිකව සැමරෙන්නේ මාර්තු මස දෙවන බ්‍රහස්පතින්දා දිනයෙහිදීයි.

මෙය සැමරීම ඇරඹුණු 2006 වසරෙහිදී රටවල් 66ක් විසින් එය සැමරුණු අතර වසර දෙකකදී මෙම සංඛ්‍යාව 88 දක්වා ඉහළ නැග තිබෙනවා.