එක්සත් අරාබි එමීර් රාජ්‍යයේ අඟහරු මෙහෙයුමට නායකත්වය දෙන කාන්තාව

එක්සත් අරාබි එමීර් රාජ්‍යයේ අඟහරු මෙහෙයුමට නායකත්වය දෙන කාන්තාව

එක්සත් අරාබි එමීර් රාජ්‍යයේ අඟහරු මෙහෙයුමට නායකත්වය දෙන කාන්තාව

මෙහෙයුමේ ප්‍රධාන විද්‍යාඥවරිය සාරා අල්-අමීරි
මෙහෙයුමේ ප්‍රධාන විද්‍යාඥවරිය සාරා අල්-අමීරි

එක්සත් අරාබි එමීර් රාජ්‍යය අඟහරු ග්‍රහයා වෙත යවන සිය යානය වන “අමාල් | HOPE” (අරාබි බසින් බලාපොරොත්තුව) ජූලි 19 වනදා පිටත් කළා. එය අඟහරු වටා කක්ෂගත වන යානයක් වනවා. ලබන පෙබරවාරියේදී එය රතු ග්‍රහයා වටා කක්ෂගත වනු ඇතැයි අපේක්ෂා කෙරෙනවා.

එක්සත් අරාබි එමීර් රාජ්‍යය අනාගතය උදෙස විද්‍යාවේ හා තාක්ෂණයේ දියුණුව මෙන්ම එහි ආයෝජනය කිරීම කෙරෙහි වැදගත් ස්ථානයක් දෙන රාජ්‍යයක්. ඒ අතින් එය අරාබිකරයේ සුවිශේෂී රාජ්‍යයක් වනවා. එහි එක් පියවරක් ලෙස ඔවුන් 2017 දී කෘත්‍රිම බුද්ධිය පිළිබඳ අමාත්‍ය ධුරයක් ද ස්ථාපිත කළා.

එක්සත් අරාබි එමීර් රාජ්‍යයේ අභ්‍යවකාශ වැඩපිළිවෙල භාරව සිටින්නේ කාන්තාවක් වීම තවත් සුවිශේෂී කරුණක්. ඇයටද එම වගකීම පැවරුණේ 2017 වසරේයි. ඇය නමින් සාරා අල්-අමීරි.

සාරා අල්-අමීරි වෘත්තිය දිවිය ඇරඹුවේ පරිගණක ඉංජිනේරුවරියක ලෙසයි. පසුව ඇය එමිරේටයේ උසස් විද්‍යා හා තාක්ෂණ ආයතනයට සම්බන්ධ වී එරට පණිවිඩ චන්ද්‍රිකා සැලසුම් කිරීමට එක් වුණා. 2016 දී එමිරේටයේ විද්‍යා කවුන්සිලයේ සභාපති ලෙස පත් වූ ඇය 2017 දී උසස් විද්‍යාවන් දියුණු කිරීම භාර අමාත්‍ය ධුරයට පත් කළා.
තම රාජ්‍යය අභ්‍යවකාශ තරණය කෙරෙහි බොහෝ ප්‍රමාද වී යොමු වූ රටක් බව පෙන්වා දෙන ඇය එහෙයින්ම තම රටෙහි උත්සාහය දෙස අන් අය පුදුමයෙන් බැලීම ගැන පුදුම නොවන බව පවසනවා.

කලාපයේ පවතින අස්ථාවරත්වයෙන් ඔබ්බට ගොස් ලෝකයට වැඩදායක යමක් කිරීම තම අභිලාෂය බවයි අල්-අමීරි කියන්නේ.
එක්සත් අරාබි එමීරයේ අඟහරු තරණය කිරීමේ වැඩපිළිවෙලේ සියයට 34 ක් දෙනා කාන්තාවන්. එහි විද්‍යාඥ කණ්ඩායමේ සියයට 80ක් කාන්තාවන් වනවා.

මෙහෙයුමේ ප්‍රධාන විද්‍යාඥවරිය සාරා අල්-අමීරි බීබීසී වෙත ඒ සම්බන්ධයෙන් දැක්වූ අදහස් පහළින්


-ලිපිය : Chamara Sumanapala |ඇසිදිසි මානය –

About The Author

Leave a Reply

Your email address will not be published. Required fields are marked *