දැඩි මූල්ය විනය නිසා IMF අභියෝගය ජයගත්තා – බිමල්
ජාත්යන්තර මූල්ය අරමුදලේ (IMF) වැඩසටහනක් වෘත්තීයමය සහ ගෞරවාන්විත අයුරින් සාර්ථකව අවසන් කළ ශ්රී ලංකා ඉතිහාසයේ එකම රජය ජාතික ජන බලවේග (NPP) පාලනය බව සභානායක සහ අමාත්ය බිමල් රත්නායක මහතා අද පාර්ලිමේන්තුවේදී පැවසීය.
පාර්ලිමේන්තුව අමතමින් අමාත්යවරයා අවධාරණය කළේ, ජාත්යන්තර මූල්ය අරමුදල සමඟ ඵලදායී ලෙස කටයුතු කිරීමට ජාතික ජන බලවේග රජයට හැකි වී ඇත්තේ පක්ෂයේ දැඩි මූල්ය විනය හේතුවෙන් බවයි.
”අපි බලයට පත්වෙනකොට විපක්ෂය කිව්වේ අපේ කණ්ඩායමට IMF එකත් එක්ක සාකච්ඡා කරන්න හැකියාවක් නැහැ කියලයි. ඒ වෙනුවට, සාකච්ඡා මෙහෙයවන්න අපි ශක්තිමත්, දක්ෂ කණ්ඩායමක් යෙදෙව්වා. එහි ප්රතිඵලයක් විදිහට, IMF වැඩසටහනක් වෘත්තීයමය සහ මහත්මා අයුරින් අවසන් කළ එකම රජය බවට අපි පත්වුණා,” යනුවෙන් අමාත්ය රත්නායක මහතා පැවසීය.
රාජ්ය අංශයේ වැටුප් ඉහළ නංවන අතරතුරම ජාත්යන්තර මූල්ය අරමුදලේ වැඩසටහන නිසි මග පවත්වා ගැනීමට ශ්රී ලංකාව සමත් වූයේ කෙසේදැයි අනෙකුත් වාමාංශික රටවල නායකයින් පවා විමසා ඇති බව ඔහු වැඩිදුරටත් සඳහන් කළේය.
”රාජ්ය අංශයේ වැටුප් වැඩි කරන ගමන්, සුබසාධන ප්රතිලාභ පුළුල් කරන ගමන් සහ රාජ්ය ව්යවසායන් විකුණා දැමීමෙන් වැළකී සිටිමින් අපි IMF වැඩසටහන සාර්ථකව ඉදිරියට ගෙන ගියා. අපි IMF එකත් එක්ක මේ සමබරතාවය ඇති කරගත්තේ සම්පූර්ණයෙන්ම අපේ මූල්ය විනය නිසයි,” යනුවෙන් ඔහු වැඩිදුරටත් පැවසීය.
