”කෝප් කමිටුව දේශපාලන ආයුධයක් කරගන්න එපා” – පාර්ලිමේන්තු මන්ත්රී ශානක්කියන් රාසමානික්කම්ගෙන් ඉල්ලීමක්!
කෝප් කමිටුව දේශපාලන ආයුධයක් ලෙස භාවිතා නොකළ යුතුයි – ශානික්කියන් රාසමානික්කම්
පොදු ව්යාපාර පිළිබඳ කාරක සභාව හෙවත් කෝප් කමිටුව තේරීම් මත හෝ දේශපාලන ආයුධයක් ලෙස භාවිතා නොකළ යුතු බව ඉලංකෙයි තිමිල් අරසු පක්ෂයේ පාර්ලිමේන්තු මන්ත්රී ශානික්කියන් රාසමානික්කම් අද (21) පාර්ලිමේන්තුවේදී පැවසීය.
රාජ්ය ආයතන කළමනාකරණයේ වගවීම සහ පාරදෘශ්යභාවය තහවුරු කිරීම සඳහා කෝප් කමිටුව වැදගත් කාර්යභාරයක් ඉටුකරන බවද, එම කමිටුව මගින් අනාවරණය කරගන්නා කරුණු අල්ලස් හෝ දූෂණ චෝදනා විමර්ශන කොමිෂන් සභාව, පොලීසිය හෝ වෙනත් ඕනෑම බලයලත් විමර්ශන අධිකාරියක් වෙත යොමු කිරීමට පූර්ණ සහාය ලබාදෙන බවද, එහෙත් කෝප් කමිටු වාර්තා ස්වාධීන විමර්ශන ක්රියාවලියක ආරම්භය ලෙස භාවිතා කරනවාට වඩා දේශපාලන මෙවලමක් ලෙස භාවිතා කිරීමේ වර්ධනය වන ප්රවණතාව පිළිබඳ දැඩි කණස්සල්ල පළකරන බවද ඔහු එහිදී පැවසීය.
කෝප් කමිටු වාර්තාවක් පාර්ලිමේන්තුවට ඉදිරිපත් කිරීමෙන් පසු විමර්ශන අවසන් කිරීමට පෙර සහ කිසිදු අධිකරණයකින් වරදකරු කිරීමට පෙර පුද්ගලයන් හෝ ආයතන හෙළා දැකීමට භාවිතා නොකළ යුතු බවද, එම කමිටුව ස්වාධීන අධීක්ෂණ යාන්ත්රණයක් ලෙස පැවතිය යුතු බවද, දේශපාලන වශයෙන් ඉලක්ක කිරීමේ වේදිකාවක් නොවිය යුතු බවද මන්ත්රීවරයා ප්රකාශ කළේය.
About The Author
