චීනය අමෙරිකාවෙන් බෝයිං ජෙට් යානා 200ක් මිල දී ගන්නා බව පවසයි.
චීනය අමෙරිකාවෙන් බෝයිං ජෙට් යානා 200ක් මිල දී ගන්නා බව කියයි
චීනය අමෙරිකාවෙන් බෝයිං වර්ගයේ ජෙට් යානා 200ක් මිල දී ගැනීමට එකඟතාව පළ කර ඇතැයි වාර්තා වේ. බිබීසී පුවත් සේවය සඳහන් කරන්නේ අමෙරිකානු ජනාධිපතිවරයාගේ සංචාරයේදි චීන ජනාධිපති ෂී ජින්පින් සමඟ පැවති ද්විපාර්ශ්වික සාකච්ඡාවෙන් පසුව චීනය බෝයිං ජෙට් යානා මිලදී ගැනීම තහවුරු කර ඇති බවය.
දෙරට අතර ඇතිකරගත් එම ගිවිසුමට අනුව ගුවන්යානා එන්ජින් කොටස් සහ සෙසු උපකරණ සැපයුමේ සහතිකය අමෙරිකාව විසින් ලබාදෙනු ඇතැයි චීන වාණිජ අමාත්යාංශය නිවේදනය කළ බව බීබිසී පුවත් සේවය වැඩිදුරටත් වාර්තා කළේය.
පසුගිය ඔක්තෝබර් මාසයේදී අමෙරිකාව සහ චීනය අතර එකඟතාව පළ වූ තීරුබදු ගිවිසුම දීර්ඝ කිරීමට ද දෙපාර්ශ්වය කටයුතු කරනු ඇතැයි වාර්තා වේ. එම ගිවිසුමට අනුව අමෙරිකානු ඩොලර් බිලියන 30ක හෝ ඊට වැඩි වටිනාකමකින් යුතු භාණ්ඩ සඳහා තීරුබදු අඩු කිරීමක් අපේක්ෂා කරන බව චීන වාණිජ අමාත්යාංශය ප්රකාශ කර තිබේ.
බෝයිං ජෙට් යානා 200ක් ඇතුළුව ගුවන්යානා 750ක මිලදී ගැනීමට දෙරට අතර එකඟතාව පළ වී ඇති බවත්, අමෙරිකානු කෘෂි කාර්මික ව්යාපාරිකයන්ට චීන වෙළෙඳපොළට ප්රවේශ වීමට වැඩි ඉඩකඩක් ලබා දීමට ද එකඟතාව පළ වී ඇති බවත් බීබිසී පුවත් සේවය සඳහන් කළේය.
About The Author
