රු.කෝටි 110කට අධික මත්ද්රව්ය තොගයක් සමඟ චීවරධාරින් 22ක් අත්අඩංගුවට
රු.කෝටි 110කට අධික මත්ද්රව්ය තොගයක් සමඟ චීවරධාරින් 22ක් අත්අඩංගුවට
රුපියල් කෝටි 110කට අධික වටිනාකමකින් යුත් ”කුෂ්” සහ”හෑෂ් ” මත්ද්රව්ය තොගයක් සමග චීවරධාරින් 22දෙනෙකු කටුනායක ගුවන්තොටුපොළේ දී අත්අඩංගුවට ගෙන තිබේ.
පොලිස් මත්ද්රව්ය කාර්යංශය වෙත ලැබී තිබූ බුද්ධි තොරතුරක් මත සෙනසුරාදා දින(25) රාත්රී ගුවන්තොටුපොළ පොලිස් මත්ද්රව්ය කාර්යාංශයේ නිලධාරීන් විසින් සිදුකළ වැටලීමකදී සැකකාර චීවරධාරින් අත්අඩංගුවට ගත් බව ගුවන්තොටුපොළ වාර්තාකරු පැවසීය.
එහිදී ඔවුන් විසින් රැගෙන ආ ගමන් මලු තුළ පාසල් උපකරණ, විවිධ රසකැවිළි සමග ව්යාජ පතුල් සකස් කර ඒවා තුළ කිලෝ ග්රෑම් 110කට අධික ”කුෂ්” සහ ”හෑෂ් ” මත්ද්රව්ය තොගය සොයාගෙන ඇති බව සඳහන්ය.
සෑම චීවරධාරියෙකුගේම ගමන් මළු තුළ කිලෝ ග්රෑම් 05කට අධික මත්ද්රව්ය තිබී ඇති බව වාර්තා වෙයි.
මෙම සැකකාරු චීවරධාරින් අනුග්රහකයෙකු විසින් ලබා දුන් ගුවන් යානා ප්රවේශ පත්ර මත පසුගිය 22වනදා මෙරටින් තායිලන්තය බලා ගොස් ඇති අතර එහිදී ඔවුන් ගිහි වෙස් ගෙන විවිධ ක්රියාකාරකම්වල නිරත වී සිටින ඡායාරූප සහ වීඩීයෝ දර්ශන ඔවුන්ගේ ජංගම දුරකථන තුළ පටිගත වී තිබියදී පොලිස් මත්ද්රව්ය කාර්යාංශයේ නිලධාරීන් විසින් අනාවරණය කර ගෙන තිබේ.
මෙලෙස අත්අඩංගුවට ගත් මත්ද්රව්ය තොගය මෙතෙක් කටුනායක ගුවන් තොටුපොළ ඉතිහාසයේ අත්අඩංගුවට ගත් විශාලතම මත්ද්රව්ය තොගය වන අතර චීවරධාරින් පිරිසක් මත්ද්රව්ය තොගයක් සමග කටුනායක ගුවන්තොටුපොළේ දී අත්අඩංගුවට ගත් ප්රථම අවස්ථාවද මෙය බව වාර්තා වෙයි.
මෙම සැකකාර චීවරධාරින් දිවයින් පුරා විවිධ ප්රදේශවල පදිංචිව සිටින තරුණ චීවරධාරින් පිරිසක් වන අතර ඔවුන් විවිධ ආයතනවල උසස් අධ්යාපනය හදාරමින් සිටින පිරිසක් බවද සඳහන්ය.
මේ පිළිබඳ වැඩිදුර විමර්ශන කටයුතු සඳහා මෙම සැකකාර චීවරධාරින් මීගමුව මහෙස්ත්රාත් අධිකරණය වෙත ඉදිරිපත් කිරීමට නියමිතය.
About The Author
