පාසල් ළමුන් අතර මත්ද්රව්ය ව්යාප්තිය පිළිබඳ පොලිසිය දැඩි අවධානයෙන් – පොලිස් මාධ්ය ප්රකාශක
පාසල් ළමුන් අතර මත්ද්රව්ය ව්යාප්තිය පිළිබඳ පොලිසිය දැඩි අවධානයෙන් - පොලිස් මාධ්ය ප්රකාශක
පාසල් ළමුන් අතර ව්යාප්ත වන මත්ද්රව්ය ගැටලුව සම්බන්ධයෙන් පොලිසිය දැඩි අවධානයෙන් පසුවන බව පොලිස් මාධ්ය ප්රකාශක, සහකාර පොලිස් අධිකාරී එෆ්.යු. වුට්ලර් මහතා පවසයි.
ඊයේ දින (27) පැවැති මාධ්ය හමුවකට එක්වෙමින් ඔහු සඳහන් කළේ, විශේෂයෙන් පාසල් ආශ්රිතව අයිස් පලම්, බොම්බයි මොටයි, ටොෆි, බිස්කට් සහ සාරවිට ආශ්රයෙන් මාවා සහ බාබුල් වැනි මත්ද්රව්ය අඩංගු ආහාර ද්රව්ය විකිණීමේ ක්රමයක් පවතින බවය.
එවැනි ව්යාපාරික තැනැත්තන් සම්බන්ධයෙන් නීතිය දැඩි ලෙස ක්රියාත්මක කරන බවත්, මේ වනවිට ඒ සම්බන්ධයෙන් සැකකරුවන් 11 දෙනෙකු අත්අඩංගුවට ගෙන ඇති බවත් පොලිස් මාධ්ය ප්රකාශකවරයා වැඩිදුරටත් පැවසීය.
විෂ මත්ද්රව්ය සම්බන්ධයෙන් කිසිඳු පුද්ගලයෙකුට සමාවක් නොලැබෙන බව අවධාරණය කළ ඔහු, කොකේන්, අයිස් සහ හෙරොයින් යන මත්ද්රව්ය ග්රෑම් 5කට වැඩි ප්රමාණයක් ළඟ තබා ගැනීම මරණ දණ්ඩනය හිමි වන වරදක් බවද සඳහන් කළේය.
තම දරුවන් සහ හිතවතුන් මෙම මත් උවදුරේ ගොදුරක් වීම වැළැක්වීම සඳහා, තම ප්රදේශවල සැකකටයුතු ක්රියාකාරකම් පිළිබඳව පොලිසියට තොරතුරු ලබාදීම මහජනතාවගේ වගකීමක් බවද පොලිස් මාධ්ය ප්රකාශකවරයා අවධාරණය කළේය.
About The Author
