නවදිල්ලි නුවර වායු දූෂණයට එරෙහිව ජනතාව වීදි බසී
නවදිල්ලි නුවර වායු දූෂණයට එරෙහිව ජනතාව වීදි බසී
ඉන්දියාවේ නවදිල්ලි අගනුවර වායු දූෂණයට එරෙහිව දහස් සංඛ්‍යාත ජනතාව වීදි බැස විරෝධතාවක නිරත වූ බව විදෙස් මාධ්‍ය වාර්තා කරයි.
අගනුවර ඇතුළු තදාසන්න ප්‍රදේශවල ජනතාව එම විරෝධතාවට එක්වී සිටි බවත්, වායු දූෂණයට එරෙහිව කඩිනම් පියවර ගන්නා ලෙස රජයට බල කරමින් විරෝධතාව පැවති බවත් විදෙස් මාධ්‍ය වැඩිදුරටත් වාර්තා කරයි. විරෝධතාව අතරතුර දිල්ලි නුවර ඓතිහාසික ‘ඉන්ඩියා ගේට්‘ යුද ස්මාරකය අසළ එක්රොක්වීම හේතුවෙන් විරෝධතාකරුවන් 80කට අධික පිරිසක් පොලීසිය විසින් අත්අඩංගුවට ගනු ලැබූ බවද වාර්තා වේ.
පසුගිය සති කිහිපය ඇතුළත නවදිල්ලි නුවර වායු දූෂණය වාර්තාගත අයුරින් ඉහළ ගිය බවත්, එය ලෝක සෞඛ්‍ය සංවිධානය විසින් නිර්දේශ කරනු ලැබූ සීමාවට වඩා 30%කින් ඉහළ යෑමක් බවත් විදෙස් මාධ්‍ය සඳහන් කරයි.
About The Author
