කිරි තේ, චීස් කොත්තු මිලත් ඉහළට

ආනයනික කිරිපිටි මිල ඉහළ යෑමත් සමඟ අද් දින (31) මධ්‍යම රාත්‍රි 12.00 සිට කිරි තේ එකක මිල රුපියල් දහයකින් ඉහළ දමන බව වාර්තා වෙනවා.

සමස්ත ලංකා ආපන ශාලා සහ අවහන් හල් හිමියන්ගේ සංගමයේ සභාපති හර්ෂණ රුක්ෂාන් මහතා පවසන්නේ, ආනයනික කිරිපිටි කිලෝවක මිල රුපියල් සියයකින් ඉහළ දැමීමට සාපේක්ෂව මෙම මිල ඉහළ යාම සිදු කරන බවයි.

මේ අතර, කිරිපිටි මිල ඉහළ යාම සැලකිල්ලට ගෙන කිරි තේ එකකට අමතරව කිරි යොදාගෙන සකස් කරන සියලුම ජූස් වර්ගවලද කප් එකක මිල අද මධ්‍යම රාත්‍රියේ සිට රුපියල් දහයකින් ඉහළ දමන බවද ස්වයං රැකියා වෙළෙඳ ව්‍යාපාරිකයන්ගේ සංගම් සඳහන් කරනවා.

එම සංගම් නියෝජියින් පවසන්නේ මීට අමතරව කිරි භාවිත කර සකස් කරන චීස්, කොත්තු ඇතුළු ආහාර වර්ග කිහිපයක මිලද රුපියල් 10 කින් ඉහළ දැමීමට කටයුතු කරන බවයි.