වාහන ආනයනයට අවසර ලැබුණත් බලපත්‍රවලට වාහන ගෙන්වීමට අවසර නෑ – ජනාධිපති
වාහන ආනයනයට අවසර ලැබුණත් බලපත්‍රවලට වාහන ගෙන්වීමට අවසර නෑ - ජනාධිපති අනුර කුමාර දිසානායක
පෙබරවාරි මාසය වන විට වාහන ආනයනය සඳහා අවසර ලැබුණත් වාහන ආනයනය බලපත්‍රවලට වාහන ගෙන්වීමට අවසර නොලැබෙන බව ජනාධිපති අනුර කුමාර දිසානායක මහතා පවසයි.
පෞද්ගලික රූපවාහිනී නාලිකාවක ඊයේ (21) පැවති දේශපාලන සාකච්ඡාවකට එක්වෙමින් ජනාධිපතිවරයා මෙම අදහස් පළ කළේය.
එහිදී ජනාධිපතිවරයා සඳහන් කළේ වාහන ආනයන බලපත්‍ර සඳහා වෙනත් ක්‍රමවේදයක් හඳුන්වා දීමට අපේක්ෂා කරන බවය.
වාහන ආනයනයගැන තීරණය ගනු ලැබුවේ ශක්තිමත් ඩොලර් සංචිත නිර්මාණය කර ඇති පසුබිමක නොවන බවත් ආර්ථිකය තවදුරටත් ඉදිරියට තල්ලු කර වාහන වෙළඳපොළ විවෘත කරගැනිමේ අරමුණෙන් බවත් අනුර කුමාර දිසානායක මහතා තවදුරටත් සඳහන් කලේය.
ඒ අනුව, මහ බැංකුව සමඟ සාකච්ඡා කර කොතරම් ඩොලර් ප්‍රමාණයක් වෙන් කළ හැකිද යන්න පිළිබඳව තීරණය කළ බවත් ඩොලර් බිලියන 1.2ක ප්‍රමාණයේ වාහන ආනයන වියදම රඳවාගන්න කටයුතු කරන බවත් ඔහු වැඩිදුරටත් පවසා සිටියේය.
About The Author
