Type to search

රටේ ජනතාවගේ හඬ තේරුම් ගන්න බලන්න. නැතිනම් පාර්ලිමේන්තුවේ විශ්වාසනීයත්වය නැති වෙනවා – ඉම්තියාස් බාකීර් මාකර්

100% ස්වභාවික පෝෂ්‍යදායි ප්‍රෝටීන් පිටි - ORA Naturals

දැවැන්ත ජන මතයක් ආණ්ඩුවට එරෙහිව නිර්මාණය වී ඇති පසුබිමක එහි පැතිකඩක් පාර්ලිමේන්තුවේ නියෝජනය නොවන්නේ නම් ඉන් සිදුවන්නේ පාර්ලිමේන්තුව සම්බන්ධව ඇති විශ්වාසය බිඳ වැටී ප්‍රජාතන්ත්‍රවාදයට එරෙහිව මරු පහරක් එල්ල වීම බව ඉම්තියාස් බාකීර් මාකර් (05) පාර්ලිමේන්තුවේ දී ප්‍රකාශ කර සිටියා.

එහිදී වැඩිදුරටත් අදහස් දක්වමින් මේ සභාගර්භය තුළ මොන දේශපාලන සෙල්ලම් දැම්මත් එළියේ ජන මතය අවබෝධ කරගෙන එයට ගරු කරන ලෙස ඉල්ලා සිටි ඉම්තියාස් බකීර් මාකර් මන්ත්‍රීවරයා මෙසේ පැවසුවා.

“මේ සභාව ජනතාවගේ හඬ නියෝජනය කරන මධ්‍යස්ථානයක් විය යුතුයි. එහි හරස්කඩක් විය යුතුයි. ඒ නිසා මෙම වෙලාවෙ දි එම විශ්වාසනීයත්වය රැකගන්න බැරිවුනොත් එතන ප්‍රශ්නාර්ථයක්. අද මේ පාලනයට එරෙහිව මේ රටේ ජන මතය යන අවස්ථාවෙදි මේ ඡන්දය පාවිච්චි කිරීම මට තේරුම් ගැනීමට බැරි දෙයක්. අපේ රටේ ජන මතයට ගරු කරමින් ඒ ප්‍රවනතාවය පෙන්නුම් කරමින් නිර්භීතව මේ අවස්ථාවේ දි ඡන්දය ප්‍රකාශ කළ මන්ත්‍රීවරුන්ට නැවතත් මගෙ ප්‍රණාමය පුද කරනවා. දැන්වත් මේ රටේ ජනතාවගේ හඬ තේරුම් ගන්න බලන්න. නැතිනම් පාර්ලිමේන්තුවේ විශ්වාසනීයත්වය නැති වෙනවා. ඒ තුළින් අපේ ප්‍රජාතන්ත්‍රවාදී ක්‍රමයට අභියෝගයක් ඇති වෙනවා. මේ සභාව ඇතුළෙ කෘත්‍රිම විදිහට මොන රඟපෑම් කළත් වැඩක් නෑ මේ රටේ ජනතාවගේ හඬ තේරුම් ගත්තෙ නැතිනම්. අන්න ඒක අවබෝධ කරගන්න කියලා ඉල්ලනවා.”

ශ්‍රී ලංකා නිදහස් පක්ෂය විසින් ඉදිරිපත් කළ අපේක්ෂකවරයා වූ රංජිත් සියඹලාපිටිය ඡන්ද 148ක් ලබා ගෙන නියෝජ්‍ය කථානයකවරයා ලෙස පත්වූ අතර විපක්ෂය වෙනුවෙන් නියෝජ්‍ය කථානායක ධුරයට ඉදිරිපත් කරනු ලැබූ ඉම්තියාස් බකීර් මාකර් ලබා ගත්තේ ඡන්ද 65ක් පමණයි.

එහිදී නව නියෝජ්‍ය කතානායකවරයාට ආණ්ඩු පක්ෂයේ මන්ත්‍රීවරුන්ගේ සහයද හිමිවූ අතර විපක්ෂ නායක සජිත් ප්‍රේමදාස සඳහන් කර සිටියේ පාර්ලිමේන්තුව තුළ පවතින දේශපාලන ක්‍රමවේදය ගැන රටේ මහජනතාවට අද දිනයේ දී නියම පණිවිඩයක් ලබා දුන් බවයි.

Tags:

You Might also Like

Leave a Comment

Your email address will not be published. Required fields are marked *