Type to search

රාජ්‍ය ආරක්‍ෂාව සම්බන්ධයෙන් පොලිස්පතිවරයාද වගකිව යුතුයි – පොලිස්පති චන්දන වික්‍රමරත්න

100% ස්වභාවික පෝෂ්‍යදායි ප්‍රෝටීන් පිටි - ORA Naturals

පොලිස්පතිවරයා ජාතික ආරක්‍ෂක මණ්ඩලයේ නිත්‍ය සාමාජිකයා වන නිසා රාජ්‍ය ආරක්‍ෂක ඇමතිවරයා ලෙසම පොලිස්පතිවරයාද රාජ්‍ය ආරක්‍ෂාව සම්බන්ධයෙන් වගකීමට බැඳී සිටින්නේ යැයි පොලිස්පති චන්දන වික්‍රමරත්න මහතා ත්‍රිපුද්ගල මහාධිකරණ විනිසුරු මඩුල්ල හමුවේ (29) පැවසීය.

ජාතික ආරක්‍ෂක කවුන්සිලයේ නිත්‍ය නියෝජිතයා වශයෙන් ආරක්‍ෂක කටයුතු සම්බන්ධයෙන් රාජ්‍ය නායකයාට වුවත් උපදෙස් දීමට පොලිස්පතිවරයාට හැකියාව ඇතැයිද මට නියෝග ලැබුණේ නැතැයි කියා පොලිස්පතිවරයාට කීමට හැකියාව නැතැයිද වැඩිදුරටත් කීය. නීතීවිරෝධී නොකර හැරීම හේතූවෙන් පාස්කු ප්‍රහාරය වළක්වා ගැනීමට කටයුතු නොකළ බවට හිටපු පොලිස්පති පුජිත් ජයසුන්දර මහතාට එරෙහි නඩුවේ සාක්කි දෙමින් සී.ඩී. වික්‍රමරත්න මහතා එසේ පැවසීය.

නීතීවිරෝධී නොකර හැරීම හේතූවෙන් පාස්කු ප්‍රහාරය වළක්වා ගැනීමට කටයුතු නොකළ බවට හිටපු ආරක්‍ෂක ලේකම් හේමසිරි ප්‍රනාන්දු මහතාට සහ හිටපු පොලිස්පති පුජිත් ජයසුන්දර මහතාට එරෙහි නඩු මහාධිකරණ විනිසුරුවරුන් වන නාමල් බලල්ලේ (සභාපති) ආදිත්‍ය පටබැඳි සහ මොහොමඩ් ඉර්ෂඩීන් යන මහත්වරුන්ගෙන් සැදුම්ලත් විනිසුරු මඩුල්ල එහුවේ විභාග කෙරේ.

අත්‍යවශ්‍ය අවස්ථාවකදී රාජ්‍ය බුද්ධි ප්‍රධානියා සහ අනෙකුත් අංශ වල සාමාජිකයින් කැඳවා සාකච්ඡා කර තීරණ ගැනීමේ බලතල පොලිස්පතිවරයාට ඇති බවත් ජාතික ආරක්‍ෂාව සම්බන්ධ ප්‍රශ්න වලදී රාජ්‍ය නායකයාට මෙන් පොලිස්පතිවරයාටත් විශාල වගකීමක් පැවරෙන බවත් වික්‍රමරත්න මහතා පැවසීය.
පොලිස්පතිවරයා වැටුප් ලබන පුද්ගලයකු පමණක් නෙවන බවත් ජාතික ආරක්‍ෂක කවුන්සිලයේ නිත්‍ය නියෝජිතයකු වන ඔහු ජාතික ආරක්‍ෂාව සම්බන්ධයෙන් ප්‍රභල අන්දමින් කටයුතු කළ යුතු බව පෙන්වා දුන් පොලිස්පති වික්‍රමරත්න මහතා රටේ විධායකය ගන්නා තීරණ භූමියේ ක්‍රියාත්මක කරන්නේ පොලිස්පතිවරයා බවද අවධාරණය කළේය.

රාජ්‍ය බුද්ධි සේවයේ තොරතුරු සීයයට සීයයක් සර්ව සම්පුර්ණ විය යුතු නැති බවත් බුද්ධි අංශයකින් ලැබෙන තොරතුරු අනුව පොලිස්පතිවරයා වහාම ක්‍රියාත්මක විය යුතු බවත් පොලිස්පති වික්‍රමරත්න මහතා වැඩිදුරටත් පැවසීය.

Tags:

Leave a Comment

Your email address will not be published. Required fields are marked *