Type to search

100% ස්වභාවික පෝෂ්‍යදායි ප්‍රෝටීන් පිටි - ORA Naturals

ක්‍රිකට් ක්‍රීඩකයින් වන ජැනට් බ්‍රිටින්, ෂෝන් පොලොක් සහ මහේල ජයවර්ධන ICC හෝල් ඔෆ් ෆේම් හෙවත් ක්‍රිකට් ඉතිහාසයේ ශ්‍රේෂ්ඨතම ක්‍රීඩකයින්ගේ ලැයිස්තුවට වෙත ඇතුළත් කර ඇති බව ජාත්‍යන්තර ක්‍රිකට් කවුන්සිලය නිවේදනයක් නිකුත් කරමින් කියා සිටිනවා.

අන්තර් ජාතික ක්‍රිකට් කවුන්සිලය ක්‍රිකට් ක්‍රීඩකයෙකුට ලබාදෙන ඉහළම සම්මානය මෙයයි.

ශ්‍රී ලංකා හිටපු ක්‍රිකට් නායක මහේල ජයවර්ධන ටෙස්ට් තරග 149ක්, එක්දින තරග 448ක් සහ විස්සයි20 තරග 55කින් සමන්විත ජාත්‍යන්තර තරග 652කට ක්‍රීඩා කර ඇත. නිර්දය ලෙස ලකුණු රැස් කළ දක්ෂ දකුණත් පිතිකරුවෙකු වන ජයවර්ධනගේ ටෙස්ට් තරඟ 149 ශ්‍රී ලාංකිකයෙකු විසින් වැඩිම තරඟ 149 ක් වන අතර ඔහුගේ එක්දින තරඟ 448 දී ලකුණු 12,650 33.37, ශතක 19 රැස් කර තිබෙනවා. ඔහු ටෙස්ට් ක්‍රිකට් ක්‍රීඩාවේ 9 වැනි ශ්‍රේෂ්ඨතම ලකුණු ලාභියා වන අතර ඔහුගේ නමට ලකුණු 11,814 සාමාන්‍ය 49.84ක් වනවා.

මහේල ජයවර්ධන 2015 වසරේ ශ්‍රී ලංකා ක්‍රිකට් ලෝක කුසලාන තරඟාවලිය අවසානයේ ජාත්‍යන්තර ක්‍රිකට් පිටියෙන් සමුගත්තේය.

හිටපු එංගලන්ත ක්‍රිකට් ක්‍රීඩිකා ජැනට් බ්‍රිටින් 1979 සහ 1998 අතර කාලය තුළ එංගලන්තය වෙනුවෙන් ටෙස්ට් තරග 27කට සහ එක්දින තරග 63කට ක්‍රීඩා කර ඇති අතර, ඇය කාන්තා ක්‍රිකට් ක්‍රීඩා කළ විශිෂ්ටතම පිතිකරුවන් අතර සිටිනවා. බ්‍රිටින් 2017 වසරේදී වයස අවුරුදු 58 දී පිළිකා රෝගයෙන් මිය ගියේය. ඇය Hall of Fame වෙත එක්වන 31 වැනි එංගලන්ත ක්‍රීඩිකාවයි.

මේ අතර ICC Hall of Fame හෙවත් ක්‍රිකට් ඉතිහාසයේ ශ්‍රේෂ්ඨතම ක්‍රීඩකයින්ගේ ලැයිස්තුවට එක්ව සිටින දකුණු අප්‍රිකාවේ ෂෝන් පොලොක් 1995 දී එංගලන්තයට එරෙහිව සිය මංගල ටෙස්ට් තරගයට පිවිස වසර 13ක් පුරා ටෙස්ට් තරග 108කට, එක්දින තරග 303කට සහ විස්සයි20 තරග 12කට ක්‍රීඩා කර තිබෙනවා.

Tags:

Leave a Comment

Your email address will not be published. Required fields are marked *