රටේ සිමෙන්ති හිඟයත් දරුණු වෙයි

රට පුරා ඉදිකිරීම් ක්ෂේත්‍රයේ විශාල පිරිසක් අර්බුදයට යවමින් මේ වනවිට වෙළඳපොළ තුළ දැවැන්ත සිමෙන්ති හිඟයක් මතුව ඇති බව වාර්තා වේ.

මාස කිහිපයක් තිස්සේ ක්‍රමයෙන් නිර්මාණය වෙමින් පැවති සිමෙන්ති හිඟය මේ වනවිට ඉතාමත් දරුණු ලෙස ඉදිකිරීම් ක්ෂේත්‍රයට බලපෑමක් එල්ල කරමින් ඇති බව එම ක්ෂේත්‍රයේ නිරත වන්නන් පවසයි. ආණ්ඩුව රුපියල් පනහකින් මිල වැඩිකිරීමක් කරමින් රුපියල් 950ක පාලන මිලක් සිමෙන්ති කොට්ටයක් සඳහා නියම කර තිබුණද මේ වනවිට විවිධ ස්ථාන වල සිමෙන්ති කොට්ටයක මිල ඊට බොහෝ සෙයින් වැඩි අගයකට අලෙවි කරමින් ඇති බවට අනාවරණය වේ.

මෙරට සිමෙන්ති අවශ්‍යතාවයෙන් 60%ක් ශ්‍රී ලංකාවේදී නිෂ්පාදනය කරනු ලබන අතර ඉතිරි 40% ආනයනය කරනු ලැබේ. මේ වනවිට ආණ්ඩුව දැවැන්ත විදෙස් මුදල් අර්බුදයකට මුහුණ දී සිටින අතර එම හේතුව නිසා සිමෙන්ති ආනයනයද නතර වී ඇති බව පැවසේ.

මෙම තත්වය රට පුරා ඉදිකිරීම් ක්ෂේත්‍රයේ නිරත වන ලක්ෂ සංඛ්‍යාවක් වන පෙදරේරුවන්ගේ සහ සහායකයින්ගේ ජීවනෝපායට අහිත කර ලෙස බලපෑම් එල්ල කරමින් තිබේ.

About The Author

Leave a Reply

Your email address will not be published. Required fields are marked *