ගැබ් ගැනීම් පමා කරන ලෙසට කර ඇති ඉල්ලීම කාලෝචිතයි; රජයේ වාසියට කෙරුණු සඳහනක් නොවේ – වෛද්‍ය හේමන්ත හේරත්
දෙවන මාත්‍රාව ලබාගෙන මාස 06කට පසු ගර්භණී කාන්තාවන්ට බූස්ටර් එන්නත ලබා ගැනීම සුදුසුයි - ප්‍රසව හා නාරි විශේෂඥ වෛද්‍යවරුන්
කොවිඩ් වසංගතය පැතිර යමින් පවතින මේ අවස්ථාවේ අවුරුද්දක කාලයකට ගැබ් ගැනීම් පමා කරන ලෙසට ප්‍රසව හා නාරිවේද විශේෂඥ වෛද්‍ය හර්ෂ අතපත්තු කළ ප්‍රකාශය සෞඛ්‍ය අමාත්‍යාංශයේ මතය හැටියට අපට ප්‍රකාශ කළ නොහැකි වුවත් එතුමා කියූ දේ සාධාරණ බව තමාත් සිතනවා යැයි සෞඛ්‍ය සේවා නියෝජ්‍ය අධ්‍යක්ෂ ජනරාල් විශේෂඥ වෛද්‍ය හේමන්ත හේරත් පවසයි.
මේ අවස්ථාවේ පවතින දරුණු තත්ත්වය යටතේ ගර්භණී මාතාවන්ට තිබෙන අවදානම සැලකිල්ලට ගෙන හැකියාවක් තිබේ නම් ගැබ් ගැනීම් ප්‍රමාද කිරීම සැමගේම යහපතට හේතුවනු ඇතැයි තමා අදහස් කරන බවත් විශේෂඥ වෛද්‍ය හේමන්ත හේරත් සඳහන් කරයි.
ඒ සම්බන්ධයෙන් තීරණයක් ගැනීම තම තමන් සතුව පවතින බව සඳහන් කරන විශේෂඥ වෛද්‍ය හේමන්ත හේරත් මෙය රජයේ වාසියට කෙරුණු සඳහනක් නොවන බවද පවසයි.
About The Author
