Type to search

කොවිඩ් වැළඳුණු දරුවන් බිලිගන්න ’’නිහඬ මාරයා’’ (Silent hypoxia)

100% ස්වභාවික පෝෂ්‍යදායි ප්‍රෝටීන් පිටි - ORA Naturals

කොරෝනා වයිරසය ආසාදනයවීමෙන් දරුවන්ට “නිහඬ මාරයා” යනුවෙන් හැඳින්වෙන ඉතා බරපතළ රෝගී තත්වයක් (Silent hypoxia) හටගන්නා බව රිජ්වේ ආර්යා ළමා රෝහලේ දැඩි සත්කාර ඒකකය බාර විශේෂඥ වෛද්‍ය නලින් . සී. කිතුල්වත්ත මහතා පැවැසීය.

කොවිඩ් වැළඳුණු දරුවෙකු සුව වීමෙන් පසු සාමාන්‍ය පරිදි කටයුතු කිරීමේදී හෝ සෙල්ලම් කිරීමේදී නොදැනුවත්වම රුධිරයේ ඔක්සිජන් මට්ටම අඩුවීම එම රෝගී තත්වයේ ස්වභාවය බවද හෙතෙම සඳහන් කළේය.

සාමාන්‍යයෙන් රුධිරයේ ඔක්සිජන් ප්‍රමාණය අඩුවීමේදී හුස්ම ගැනීමේ අපහසුව, කතා කිරීමේ අපහසුව ආදි ලක්ෂණ පෙන්නුම් කෙරෙන නමුත් මෙම රෝගයේදී එලෙස පූර්ව ලක්ෂණ මතු නොවීමද විශේෂත්වයක් බව පැවසූ කිතුල්වත්ත මහතා කොරෝනා ආසාදනය වී ඇති දරුවන්ගේ ඔක්සිජන් ප්‍රතිශතය මේ තත්වය යටතේ සතියකට වරක් හෝ මැන බැලීම වැදගත් වන බවද, සෙල්ලම් කිරීමෙන් පසු ඔක්සිජන් ප්‍රතිශතය සියයට 94ට වඩා අඩුනම් සහ සාමාන්‍ය පරිදි සිටින විට සියයට 96ට වඩා අඩුනම් වහාම දරුවන් රෝහල් ගත කර ප්‍රතිකාර ලබා දිය යුතු බවද ඔහු අවධාරණය කළේය.

මෙයට පෙර පැතිර ගිය ඇල්ෆා ප්‍රභේදය ආසාදනය වූ දරුවන්ට රෝග ලක්ෂණ එතරම් පෙන්නුම් නොකළද ඩෙල්ටා ප්‍රභේදය සමග රෝග ලක්ෂණ මතුවීම වැඩිවී ඇතැයි පැවසූ විශේෂඥ වෛද්‍යවරයා රිජ්වේ ආර්ය ළමා රෝහලේ නේවාසිකව ප්‍රතිකාර ලබන කොවිඩ් ආසාදිත දරුවන් ප්‍රමාණය අඩුවුවද දැඩි සත්කාර අවශ්‍ය දරුවන් ප්‍රමාණය සැළකියුතු ලෙස වැඩිවී ඇතැයිද ප්‍රකාශ කළේය.

රෝහල්ගත කෙරෙන රෝගී දරුවන් ප්‍රමාණය අඩුවී ඇත්තේ නිවෙස්වල රඳවා ප්‍රතිකාර කිරීමේ වැඩපිළිවෙළ ආරම්භ කිරීම නිසා බවත් කොරෝනා අසාදනය වූ දරුවන් නිවෙස් වල රැකබලාගැනීමේ වැඩසටහනද ඉතා සාර්ථකව ක්‍රියාත්මක වන බවත් ඔහු පැවසීය.

මේ අතර, වයස 12ත් 18ත් අතර දරුවන්ට මොඩර්නා සහ ෆයිසර් එන්නත් ලබාදීම අනුමත වී ඇතැයිද, මේ සම්බන්ධයෙන් දැනටමත් ළමා රෝග විශේෂඥ වෛද්‍යවරුන්ගේ සංගමය සාකච්ජා පවත්වමින් සිටින බවත් එම වයස් කාණ්ඩයේ විවිධ සංකූලතා සහ නිධන්ගත රෝග තිබෙන දරුවන්ට මෙහිදී ප්‍රමුඛත්වය ලබා දෙන බවද ඔහු පැවසුවේය.

Tags:

You Might also Like

Leave a Comment

Your email address will not be published. Required fields are marked *