මළ සිරුරු තුළ සති කිහිපයකට පසුවද කොවිඩ්- 19 PCR පොසිටිව් වීම සත්‍යයක්ද?

මළ සිරුරු තුළ දින 29 කට පසුවත් කොරෝනා PCR වාර්තාව පොසිටිව් වන බව වාර්තාවක් සංසරණය වීමට පටන් ගෙන තිබේ. මළ සිරුරු භූමදාන කිරීම කොරෝනා පැතිරෙනු ඇතැයි යන මෝඩ මතයට සහය දක්වමින් සමහරු මෙම ප්‍රශ්නය මතු කිරීමට පටන් ගෙන තිබේ. විද්‍යාත්මක මූලික කරුණු නොදැන සිටීම නිසා ඇතිවන ව්‍යාකූලත්වයට මෙම පුවත හොඳ නිදසුනකි.

අප දැනගත යුතු මූලිකම දෙය නම් PCR පරීක්ෂණය යනු වෛරසයක RNA සොයා ගැනීම සඳහා කරන ලද පරීක්ෂණයක් පමණක් බවත් සමස්ත වෛරසය හෝ ජීවමාන වෛරසයක් සොයා ගැනීම සඳහා කරන ලද පරීක්ෂණයක් නොවන බවත්ය.

RNA යනු මෝටර් රථයක එන්ජිමකට සමානය. PCR යනු එන්ජිමක් සෙවීම හා සමානයි. එන්ජිමක් ඇති පමණින් මෝටර් රථය ඇති බව හෝ පවතින එන්ජිම ක්‍රියාත්මක වන බවක් අදහස් නොවේ. මෝටර් රථය නොමැතිව පවා වෙන් කරන ලද තත්වයේ එන්ජිම අබලන් තත්වයට පත්විය හැකිය. එය මෝටර් රථය තුළ තිබුනත් සමහර විට එය දෝෂ සහිත එන්ජිමක් විය හැකිය.

එන්ජිම වැඩ කරන්නේද යන්න තීරණය කිරීම සඳහා වෙනත් පරීක්ෂණ ක්‍රම අවශ්‍ය වේ. උඩින් බැලීමෙන් පමණක් එන්ජිම ක්‍රියා කරන බව කිව නොහැක. ක්‍රියා කරවා බැලිය යුතුය. PCR පොසිටිව් වීම නිසා වෛරසයක් ජීවතුන් අතර හෝ මිය ගොස් ඇති බව කිසිවෙකුට පැවසිය නොහැක.

එම වෛරසය මාරාන්තික වෛරසයක් හෝ විනාශයට ලක්විය හැකි වෛරසයක් විය හැකිය. නමුත් ඇත්ත වශයෙන්ම එය ජීවමාන වෛරසයක් හෝ බෝවන වෛරසයක් විය නොහැකි බව නිසැකවම පැවසිය හැකිය. මෙයට හේතුව මළ සිරුරු තුළ වෛරසයට නොනැසී පැවතීමට නොහැකි බව විද්‍යාත්මක පරීක්ෂණ වලින් සොයා ගෙන ඇති සත්‍යයයි.

පර්යේෂණාත්මක සම්ප්‍රේෂණය සඳහා නිර්මාණය කර ඇති ප්‍රවාහන මාධ්‍යවල පවා කොරෝනා වෛරසය දින දෙකකට වඩා 37 ° C දී සහ දින 7 කට වඩා 22 C දී නොනැසී පවතින්නේ නැත. මෙවැනි තත්වයක පවතින විට කොරෝනා මළ සිරුරක ජීවත්වන්නේ කෙසේද?

වෛරසය ජීවතුන් අතර සිටින බව දැන ගැනීමට අපට අවශ්‍ය නම්, එය වෛරස් කල්චර් මාධ්‍ය තුළ වගා කර එය වර්ධනය වේ දැයි අප සොයා බැලිය යුතුය. වෛරසය වර්ධනය වුවහොත් එයින් අදහස් වන්නේ එය ජීවමාන බවයි. එය වර්ධනය නොවන්නේ නම් එයින් අදහස් වන්නේ වෛරසය ජීවතුන් අතර නැති මිය ගොස් ඇති බවයි.

අප දැනගත යුතු පුවත නම් වෛරසය ජීවමානව තබා ගැනීම සඳහා කල්චර් මාධ්‍ය සමඟ ජෛව ආරක්ෂණ මට්ටමේ 4 ශ්‍රේණියක් ඇති එක් රසායනාගාරයක්වත් ශ්‍රී ලංකාවේ නොමැති බවයි.

මීට වසර 6000 කට පමණ පෙර මිහිදන් කරන ලද ඊජිප්තු මමියන් මෙන්ම ශීත කළ සිරුරු වල සිදු කරන ලද අත්හදා බැලීම් වලදී පවා බොහෝ විට PCR වාර්තාව අධ්‍යයනයේදී පොසිටිව් වී ඇත. ඒවා තබා ගැනීමෙන් විද්‍යාඥයින්ට ඒ දවස්වල ඇති වූ රෝග මොනවාදැයි පුරෝකථනය කළ හැකිය.

1918 දී ලෝකය කම්පා කළ Spanish Blue පවා කොරෝනා වර්ගයේ SARS වෛරසය නිසා ඇති වූවක් බව සොයා ගන්නා ලදී. මේ අනුව PCR පොසිටිව් වූ මමියන් ගෙන් රෝගය ශරීරයෙන් සම්ප්‍රේෂණය වන්නේ නම් සෑම විටම රෝගය සම්ප්‍රේෂණය කළ යුතුය. මෙය සිදු වූ බවට කිසිදු සාක්ෂියක් නොමැත

එබැවින් මළ සිරුරු වලින් කොරෝනා සම්ප්‍රේෂණය වන බව එයිනුත් අයිස් පෙට්ටියක තැබූ මළ සිරුරු තුළ PCR පොසිටිව් වීම මත මළ සිරුරු හරහා කොරොනා පැතිර යන බව පැවසීම මෝඩකමකි. මෙයටත් විද්‍යාවටත් කිසිදු සම්බන්ධයක් නැත.

වෛද්‍ය පී.එම්. අර්ෂද් අහමඩ් MBBS MD PAED
ළමා රෝග විශේෂඥ වෛද්‍ය
මූලික රෝහල – අක්කරෛපත්තුව