2021 ලෝක විස්සයි විස්ස තරඟාවලිය ඉන්දියාවේදී…

2021 ලෝක විස්සයි විස්ස ක්‍රිකට් තරඟාවලිය ඉන්දියාවෙහි පැවැත්වීමට නියමිත බව ජාත්‍යන්තර ක්‍රිකට් කවුන්සිලය (ICC) රැස්වීමක දී තීන්දු කර තිබේ.

2021 වසරේ ලෝක 7 වන 20/20 ක්‍රිකට් තරඟාවලිය ඔක්තෝබර්, නොවැම්බර් මාසවල ඕස්ට්‍රේලියාවෙහි පැවැත්වීමට තීරණය කර තිබිණි.

නමුත් දිගින් දිගටම වැඩි වෙමින් පවතින කොරෝනා වෛරසය බලපෑම හේතුවෙන් මෙම තරඟාවලිය දින නියමයක් නොමැතිව කල් දමන ලදී.

එබැවින් 2021 ලෝක 20/20 ක්‍රිකට් තරඟාවලිය පැවැත්වීමේ අයිතිය ඉන්දියාව හිමි කර ගෙන තිබේ.

මෙම තරඟාවලිය මෙහෙය වීමට තමන්ට අවස්ථාව ලබා දෙන ලෙස ඕස්ට්‍රේලියාව අවධාරණය කළේය.

නමුත් ඉන්දීය ක්‍රිකට් පාලක මණ්ඩලයට 2021 වසරේ ලෝක කුසලාන ක්‍රිකට් තරඟය පැවැත්වීමේ අයිතිය අත්හැරීමේ අදහසක් නැත.

කෙසේ වෙතත්, 2022 වසරේ ලෝක 20/20 ක්‍රිකට් තරඟාවලිය පැවැත් වුවහොත්, ඊට පසු වසරේ ඕවර් 50 ලෝක කුසලාන ක්‍රිකට් තරඟය සංවිධානය කිරීම ඉතා අපහසුව ඇති බව ඉන්දියාවෙන් ප්‍රකාශ කර ඇත.

මෙම තත්ත්වය තුළ I.C.C. පරිපාලකයින් උපදේශන රැස්වීම ‘වීඩියෝ කොන්ෆරෙන්ස්’ හරහා ඊයේ දිනයේ පැවැත් විය.

ඉන්දියා, ඕස්ට්‍රේලියා ක්‍රිකට් මණ්ඩල පරිපාලකයින් ද මේ සඳහා සහභාගී විය. එහිදී ලෝක 20/20 ක්‍රිකට් තරඟාවලිය සම්බන්ධයෙන් ඉන්දියාව තම තීරණයෙහි ස්ථිරව සිටියහ.

රැස්වීමට සහබාගී වූ පරිපාලක මණ්ඩලය 2021 වසරේ ලෝක 20/20 තරඟාවලිය සැලසුම් කර තිබූ පරිදි පවත්වන බව ද , කල් දමා තිබූ ලෝක විස්සයි 20 තරඟාවලිය 2022 වසරේ ඕස්ට්‍රේලියාවෙහි පැවැත්වෙන බව ද තීරණය කළහ.

12 වන කාන්තා ලෝක කුසලාන ක්‍රිකට් තරඟය (ඕවර් 50) ලබන වසරේ පෙබරවාරි 6 වන දින සිට මාර්තු 7 වන දින දක්වා නවසීලන්තයෙහි පැවැත්වීමට නියමිතව තිබුණි.

කොරෝනා අවදානම හේතුවෙන් මෙයට සුදුසුකම් ලැබීමේ වටය සම්පූර්ණ නොකර කල් දැමූ තත්ත්වයේ, මෙම ලෝක කුසලාන තරඟාවලිය ද 2022 වසරේ පෙබරවාරි තෙක් කල් දමනු ලබන බව තීරණය කරන ලදී. මෙම විස්තර I.C.C විසින් නිකුත් කළ පුවතෙහි සඳහන් වී තිබිණි.