පැරගුවේ ඩිජිටල් බැංකු කඩාවැටැයි. ජනාධිපති ඉල්ලා අස්වෙයි!

ලක්ෂ 30කට (මිලියන 3කට) ආසන්න පාරිභෝගිකයින් පිරිසකට තමන්ගේ මුදල් ලබා ගැනීමට නොහැකි වෙමින් ප්‍රධාන ඩිමොක්‍රටික්/ඩිජිටල් බැංකුවක් කඩාවැටීමත් සමඟ එල්ල වූ දැඩි දේශපාලන පීඩනය හමුවේ පැරගුවේ ජනාධිපති සැන්ටියාගෝ පෙනියා (Santiago Peña) මහතා ධුරයෙන් ඉල්ලා අස්වී තිබේ.
ජාතික ස්ථාවරත්වය, සාමය සහ ප්‍රජාතන්ත්‍රවාදී ආයතන ආරක්ෂා කිරීම සඳහා තමන් ධුරයෙන් ඉල්ලා අස්වීමට තීරණය කළ බව පූර්ව පටිගත කරන ලද වීඩියෝ පණිවුඩයක් නිකුත් කරමින් පෙනියා මහතා පැවසීය.
පැරගුවේහි වේගයෙන්ම වර්ධනය වූ ඩිජිටල් බැංකුවක් වන ‘Ueno Bank’ කඩාවැටීමත් සමඟ ඇති වූ දැවැන්ත මහජන විරෝධතා සහ විපක්ෂ මන්ත්‍රීවරුන් විසින් ඔහුට එරෙහිව දෝෂාභියෝගයක් ගෙන ඒමට දැරූ උත්සාහයන්ගෙන් අනතුරුව මෙම ඉල්ලා අස්වීම සිදුවිය.
අදාළ බැංකුව අවම ධන බංකොලොත්භාවය පිළිබඳ අවශ්‍යතා සපුරාලීමට අපොහොසත් වී ඇති බව තීරණය කිරීමෙන් අනතුරුව පැරගුවේ මහ බැංකුව මැදිහත්වී එහි පාලනය සිය භාරයට ගන්නා ලදී.
පාරිභෝගිකයින් ලක්ෂ 30කට ආසන්න සංඛ්‍යාවකට සේවය කළ මෙම බැංකුව, ඇමරිකානු ඩොලර් මිලියන 850ක පමණ රාජ්‍ය අරමුදල් ද පාලනය කර ඇති අතර, එමගින් රාජ්‍ය තැන්පතු සහ විශ්‍රාම වැටුප් අරමුදල්වල ආරක්ෂාව පිළිබඳව ද දැඩි කංස්සාවක් මතු විය.
මෙම බැංකු අර්බුදයත් සමඟ පැරගුවේ පුරා විරෝධතා ආරම්භ වූ අතර, පාරිභෝගිකයින් තම තැන්පත් මුදල් ඉල්ලා සිටි අතර විරෝධතාකරුවන් ජනාධිපතිවරයාගේ ඉල්ලා අස්වීම ඉල්ලා සිටියහ.
එමෙන්ම, අදාළ බැංකුවේ හිටපු හිමිකරු සමඟ පැවති පෞද්ගලික ව්‍යාපාරික සබඳතා හේතුවෙන් පෙනියා මහතා වෙත හිතකාමී ප්‍රතිලාභ ලබාගැනීමේ (conflicts of interest) චෝදනා ද එල්ල විය. කෙසේ වෙතත් ඔහු එම චෝදනා ප්‍රතික්ෂේප කළේය.
බැංකුව කඩාවැටීම සම්බන්ධයෙන් විමර්ශන ක්‍රියාත්මක වන අතරතුර ඊට සම්බන්ධ විධායක නිලධාරීන් අට දෙනෙකු බලධාරීන් විසින් අත්අඩංගුවට ගෙන ඇත.
පෙනියා මහතා නියෝජනය කළ කොන්සර්වේටිව් කොලරාඩෝ (Colorado) පක්ෂයේ සාමාජිකයින්ගේ සහය ද ඔහුට අහිමි වූ අතර, එය ඔහුගේ ආණ්ඩුවට එල්ල වූ පීඩනය තවත් වැඩි කළේය.
2028 දක්වා දිවෙන ජනාධිපති ධුර කාලයේ ඉතිරි කොටස පූර්ණය කිරීම සඳහා උප ජනාධිපති පේද්‍රෝ අලියානා (Pedro Alliana) මහතා පෙනියා මහතාගෙන් පසුව ජනාධිපති ධුරයට පත්වීමට නියමිතය.