ඉන්දියාව සහ රුසියාව අතර ඩො.බි 1ක අවි ගනුදෙනුවක්

ඉන්දියාව ඩොලර් බිලියන 1කට වඩා වැඩි වටිනාකමකින් යුත් ගනුදෙනුවක් සඳහා රුසියාව සමග එකඟවී ඇති බව විදෙස් මාධ්‍ය වාර්තා කරයි.

ඒ අනුව රුසියාවෙන් R-37M මිසයිල විශාල ප්‍රමාණයක් මිලදී ගැනීම වෙනුවෙන් ගිවිසුමකට අත්සන් තබා ඇති බව පැවසෙයි.

මෙම ගිවිසුම මගින් මිසයිල 300ක් පමණ ආවරණය වන අතර, එහි වටිනාකම දළ වශයෙන් ඩොලර් බිලියන 1.2ක් වෙයි.

මෙම මිසයිල ඉන්දියාවේ Su-30MKI ප්‍රහාරක ගුවන් යානා සඳහා යෙදවීමට නියමිතය.

පාකිස්තානය සමග පැවති ගැටුම් සහ චීනය සමග පවතින උණුසුම්කාරී තත්ත්වය හමුවේ ඉන්දීය සන්නද්ධ හමුදා නවීකරණය කිරීමේ පියවරක් ලෙස, මීට පෙර ඉන්දීය රජය ඩොලර් බිලියන 25ක පමණ වටිනාකමකින් යුත් අවි ආයුධ සහ මිලිටරි උපකරණ මිලදී ගැනීමේ දැවැන්ත පැකේජයක් සඳහා අනුමැතිය ලබාදී තිබුණි.