ගාසා තීරයේ අර්බුදය විසඳීම සඳහා රාජ්‍ය දෙකක සංකල්පයට ඉන්දියාවේ සහාය
ගාසා තීරයේ අර්බුදය විසඳීම සඳහා රාජ්‍ය දෙකක සංකල්පයට ඉන්දියාවේ සහාය
ගාසා තීරයේ අර්බුදය විසඳීම සඳහා රාජ්‍ය දෙකක සංකල්පයට ඉන්දියාව ස්ථීරව සහාය දක්වන බව එරට විදේශ කටයුතු අමාත්‍යාංශයේ ප්‍රකාශක රන්දීර් ජයිස්වාල් සඳහන් කළ බව ටයිම්ස් ඔෆ් ඉන්ඩියා පුවත් සේවය වාර්තා කළේය.
ගාසා- ඊශ්‍රායල ගැටුම් සම්බන්ධව ඉන්දියාවේ ස්ථාවරය නැවත අවධාරණය කරමින් එරට විදේශ කටයුතු අමාත්‍යාංශයේ ප්‍රකාශකවරයා සඳහන් කර ඇත්තේ කොන්දේසි විරහිතව ප්‍රාණ ඇපකරුවන් නිදහස් කිරීමට සහ මානුෂීය ආධාර අඛණ්ඩව සැපැයීමට ගාසා තීරයට සටන් විරාමයක් ඉල්ලා සිටින බවය. ඉන්දීය රජයේ ප්‍රකාශය නිකුත් වන විට ඊශ්‍රායලයේ මොසාඩ් ප්‍රධානි ඩේවිඩ් බර්නී ගාසා සාම සාකච්ඡා පිළිබඳ සමාලෝචනය කිරීම සඳහා කටාර් රාජ්‍යයේ සංචාරයක් ආරම්භ කර තිබූ බවද ඉන්දීය මාධ්‍ය වාර්තා කරයි.
ගාසා තීරයේ තත්ත්වය නරක අතට හැරී ඇතැයි ද, මේ වන විට සාගින්නේ මියගිය පලස්තීනුවන්ගේ සංඛ්‍යාව 239 දක්වා ඉහළ ගොස් ඇතැයිද වාර්තා වන අතර, ඊයේ දිනය (18) වනවිට ඊශ්‍රායල ජනතාව ගාසා යුද්ධය නතර කරන ලෙස රජයට බල කරමින් දැවැන්ත විරෝධතාවක නිරතවී ඇතැයිද ඉන්දීය මාධ්‍ය සඳහන් කරයි.
About The Author
