නීති විරෝධී කුළු බඩු, ඖෂධ හා රූපලාවන්‍ය ද්‍රව්‍ය තොගයක් සමඟ 4 දෙනෙකු අත්අඩංගුවට
නීති විරෝධී කුළු බඩු, බෙහෙත් හා රූපලාවන්‍ය ද්‍රව්‍ය තොගයක් සමඟ 4ක් අත්අඩංගුවට
නීති විරෝධී ලෙස මෙරටට රැගෙන එන ලද කුළුබඩු, රූපලාවන්‍ය ද්‍රව්‍ය සහ ඖෂධ තොගයක් නාවික හමුදා භාරයට ගෙන තිබේ.
ශ්‍රී ලංකා නාවික හමුදාව කිලිනොච්චිය, ඩෙවිල්ස් තුඩුව වෙරළ ප්‍රදේශයේ සිදුකළ විශේෂ සෝදිසි මෙහෙයුමකදී මෙම ද්‍රව්‍ය නාවික හමුදා භාරයට ගෙන ඇත.
කිලිනොච්චිය, ලොග්ගන්නාවාඩිය, ඩෙවිල්ස් තුඩුව වෙරළ ප්‍රදේශයේ සිදුකළ සෝදිසි මෙහෙයුමකදී එම වෙරළ ප්‍රදේශයේ තිබූ සැකකටයුතු කැබ් රථ දෙකක් පරීක්ෂාවට ලක් කර තිබේ.
එහිදී එම කැබ් රථ දෙකෙහි අසුරා තිබූ නීති විරෝධීව ආනයනය කරන ලද එනසාල් කිලෝ 300ක්, කහ කුඩු කිලෝ 260, වියළි ඉඟුරු කිලෝ 273 ඇතුළු කුළුබඩු තොගයක් සහ රූපලාවන්‍ය ද්‍රව්‍ය නාවික හමුදාව විසින් සොයාගෙන තිබේ.
මේ සමගම සැකකරුවන් සිව් දෙනෙකු සහ කැබ් රථ දෙකද නාවික හමුදා භාරයට ගෙන තිබේ.
ඔවුන් අවුරුදු 39 සහ 49 වයස්වල පසුවන එරක්කන්ඩි, කල්මුනෛකුඩි, ත්‍රිකුණාමලය සහ පුත්තලම යන ප්‍රදේශයන්හී පදිංචිකරුවන් බවද නාවික හමුදාව පැවසීය.
නාවික හමුදා භාරයට ගත් නීති විරෝධී ආනයනික ද්‍රව්‍ය සහ සැකකරුවන් ඉදිරි නීතිමය කටයුතු සඳහා කන්කසන්තුරේ රේගු නිවාරණ කාර්යාලය වෙත භාරදීමට පියවර ගෙන ඇත.
About The Author
