රු. 25,000/-ක මුදලක් අල්ලස් වශයෙන් ඉල්ලූ ආදායම් පරීක්ෂකවරයෙකු අත්අඩංගුවට

ආදායම් පරීක්ෂකවරයෙකු අල්ලස් ලබා ගැනීමේ සිදුවීමක් සම්බන්ධයෙන් පුද්ගලයකු අල්ලස් කොමිසම විසින් අත්අඩංගුවට ගෙන තිබේ.

මෙලෙස අත්අඩංගුවට ගෙන ඇත්තේ අක්මීමන ප්‍රාදේශීය සභාවේ ආදායම් පරීක්ෂකවරයෙකුයි.

ඔහු මෙවර පැවැත්වෙන පළාත් පාලන මැතිවරණය සඳහා අපේක්ෂකයෙකු ලෙසද ඉදිරිපත් වී ඇති බවද සඳහන්
ගාල්ල ප්‍රදේශයේ පදිංචි පුද්ගලයෙකු විසින් සිදුකරන ලද පැමිණිල්ලකට අනුව සැකකරු අත්අඩංගුවට ගෙන තිබෙන අතර සැකකරු විසින් ගාල්ල උණවටුන මැටරඹ ප්‍රදේශයේ පිහිටි පැමිණිලිකරු, කළමණාකරු වශයෙන් සේවය කරන හෝටලය පවත්වාගෙන යාමට අවශ්‍ය 2025 වසර සඳහා වූ වෙළෙඳ බලපත්‍රය ලබාදීමේ කටයුතු සිදුකිරීම වෙනුවෙන් රුපියල් 25,000/-ක මුදලක් අල්ලස් වශයෙන් ඉල්ලා ඇති බවයි වාර්තා වන්නේ.

ඒ අනුව අල්ලස් කොමිසමට පැමිණිලිකරු විසින් කරන ලද පැමිණිල්ල අනුව ඊයේ දිනයේදි (30) අදාළ පැමිණිලිකරුගේ හෝටල් කාමරයක් තුළදී අල්ලස් හෝ දූෂණ කොමිෂන් සභා නිලධාරීන් විසින් අත්අඩංගුවට ගෙන තිබේ

අත්අඩංගුවට ගත් සැකකරු ගාල්ල මහෙස්ත්‍රාත් අධිකරණයට ඉදිරිපත් කිරීමට නියමිතයි.