නැගෙනහිර ග්‍රාම සේවා කොට්ඨාශ 150ක් ආවරණය වන පරිදි ව්‍යවසායකයින් බල ගැන්වීමට රු.මි 300ක්

0
නැගෙනහිර ග්‍රාම සේවා කොට්ඨාශ 150ක් ආවරණය වන පරිදි ව්‍යවසායකයින් බල ගැන්වීමට රු.මි 300ක්

නැගෙනහිර ග්‍රාම සේවා කොට්ඨාශ 150ක් ආවරණය වන පරිදි ව්‍යවසායකයින් බල ගැන්වීමට රු.මි 300ක්

නිෂ්පාදන ආර්ථිකයක් බිහිකිරීමේ රජයේ සංකල්පයට අනුව ප්‍රාදේශීය සංවර්ධන බැංකුව (RDB) ක්‍රියාත්මක කරන, ජාතික ආර්ථිකයට නව ව්‍යවසායකයින් 15,000ක් එක් කිරීමේ අරමුණින් ක්‍රියාත්මක කරන වැඩසටහනේ නැගෙනහිර පළාත් සමාරම්භක උත්සවය කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතාගේ ප්‍රධානත්වයෙන් පසුගිය බ්‍රහස්පතින්දා දින (30) මඩකලපුවේදී පැවැත්විණි.

ශ්‍රී ලංකාවේ ප්‍රමුඛතම රාජ්‍ය සංවර්ධන බැංකුව වන ප්‍රාදේශීය සංවර්ධන බැංකුව ග්‍රාමීය ආර්ථිකය නගා සිටුවීම අරමුණු කරගනිමින් ක්ෂුද්‍ර හා සුළු පරිමාණ ව්‍යවසායකයින් බල ගැන්වීම සඳහා වැඩසටහන් රැසක් ක්‍රියාත්මක කරනු ලබයි.

ග්‍රාමසේවා කොට්ඨාශ 14,022ක් ආවරණය වන පරිදි සෑම ග්‍රාමසේවා කොට්ඨාසයකින්ම අවම වශයෙන් එක් ව්‍යවසායකයෙක් බැගින් නිර්මාණය කිරීම මෙම වැඩසටහනේ මූලික අරමුණ වන අතර ධීවර, කෘෂි, පශු සම්පත්, කර්මාන්ත වැනි විවිධ ක්ෂේත්‍ර නියෝජනය කරමින් කාන්තා සහ තරුණ නව ව්‍යවසායකයින් බිහිකිරීම මෙම වැඩසටහන මගින් බලාපොරොත්තු වෙයි.

මූල්‍ය ප්‍රතිපාදන ලබාදීමට අමතරව මූල්‍ය පාලනය හා විනය, නවීන තාක්ෂණික ක්‍රම, වෙළඳපළ අවස්ථා, පුහුණු වැඩසටහන් ක්‍රියාත්මක කිරීම වැනි පහසුකම්ද ව්‍යවසායකයින් සඳහා මෙම වැඩසටහන මගින් ලබාදෙනු ලබයි. මෙම වැඩසටහන තුළින් නැගෙනහිර පළාතේ ග්‍රාම සේවා කොට්ඨාශ 150ක් ආවරණය වන පරිදි රුපියල් මිලියන 300ක ණය ප්‍රදානයක් ලබා දෙන ලදී.

මෙහිදී අදහස් දක්වමින් කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා,
මෙම නව ව්‍යවසායකයින් හට භාණ්ඩ නිෂ්පාදනයේ සිට එම භාණ්ඩ අපනයනය කිරීම දක්වා අඛණ්ඩ සහාය ලබා දීමට කර්මාන්ත අමාත්‍යංශය සූදානම් බවත් ඒ සඳහා ජාතික ව්‍යවසාය සංවර්ධන අධිකාරිය (NEDA), කාර්මික සංවර්ධන මණ්ඩලය (IDB), ජාතික ශිල්ප සභාව, ජාතික මෝස්තර මධ්‍යස්ථානය, ලක්සල, කුඩා කර්මාන්ත සංවර්ධන දෙපාර්තමේන්තුව, අපනයන සංවර්ධන මණ්ඩලය (EDB) වැනි ආයතන රැසක් තම අමාත්‍යංශය යටතේ ක්‍රියාත්මක වන බව පැවසීය.

About The Author

Leave a Reply

Your email address will not be published. Required fields are marked *

WP2Social Auto Publish Powered By : XYZScripts.com