පොලිස් මූල­ස්ථා­නය කොම්ප­ඤ්ඤ­වී­දියේ ගුවන් හමුදා ගොඩ­නැඟි­ල්ලට

පොලිස් මූලස්ථානය දැනට පිහිටි කොළඹ කොටුවෙන් ඉවත් කර ගුවන් හමුදා මූලස්ථානය පැවති කොම්පඤ්ඤවීදියේ ගොඩනැඟිල්ලට රැගෙන යෑමට නියමිතය. අක්කර 3ක භූමි ප්‍රමාණයක් පුරා විහිදුණු හා තට්ටු 12ක ගොඩනැඟිල්ලකින් සමන්විත ගුවන් හමුදා මූලස්ථාන පරිශ්‍රය පොලිසියට (15) නිල වශයෙන් භාර දෙනු ලැබීය.

ඊට අදාළ ලේඛන ගුවන් හමුදාපති එයාර් මාර්ෂල් උදේනි රාජපක්ෂ සහ පොලිස්පති දේශබන්දු තෙන්නකෝන් මහත්වරුන් අතර (15) දින හුවමාරු කරගැනීමක්ද සිදු විය.

පොලිස් මූලස්ථාන ගොඩනැගිල්ල කොම්පඤ්ඤවීදියේ ගොඩනැගිල්ලට රැගෙන යෑමෙන් අනතුරුව පොලිස් මූලස්ථානය පිහිටි මාර්ගය වාහන ගමනාගමනයට විවෘත කිරීමටද නියමිත බවද අනාවරණය විය.