ලංකාවේ මූල්‍ය අංශයේ සුරක්ෂිතතා ජාලය ශක්තිමත් කිරීමේ ව්‍යාපෘතිය සඳහා ලෝක බැංකුවෙන් ඩොලර් මිලියන 150ක්
ලංකාවේ මූල්‍ය අංශයේ සුරක්ෂිතතා ජාලය ශක්තිමත් කිරීමේ ව්‍යාපෘතිය සඳහා ලෝක බැංකුවෙන් ඩොලර් මිලියන 150ක්
ශ්‍රී ලංකාවේ මූල්‍ය අංශයේ සුරක්ෂිතතා ජාලය ශක්තිමත් කිරීමේ ව්‍යාපෘතිය සඳහා ලෝක බැංකුවේ ජාත්‍යන්තර සංවර්ධන සංගමයෙන් එක්සත් ජනපද ඩොලර් කෝටි 15ක් (ඩොලර් මිලියන 150ක්) ණය පහසුකම් ගැනීමට රජය කටයුතු කර තිබේ.
ශ්‍රී ලංකා මහ බැංකුව විසින් කළමනාකරණය කරනු ලබන ශ්‍රී ලංකා තැන්පතු රක්‍ෂණ යෝජනා ක්‍රමය (SLDIS) කෙරෙහි අවධානය යොමු කරමින් ශ්‍රී ලංකාවේ මූල්‍ය අංශයේ ආරක්‍ෂිත ජාලය ශක්තිමත් කිරීමට මෙම ණය පහුසකම යොදා ගන්නා බව මුදල් රාජ්‍ය අමාත්‍ය රංජිත් සියඹලාපිටිය මහතා දිනමිණට (02) ප්‍රකාශ කළේය.
ඵලදායි තැන්පතු රක්‍ෂණ යෝජනා ක්‍රම සඳහා ජාත්‍යන්තර හොඳම භාවිතයන්ට අනුකූලව SLDISහි මූල්‍ය හා ආයතනික ධාරිතාව ශක්තිමත් කිරීමද ව්‍යාපෘතියේ අරමුණයි. තවද, SLDIS හි ගෙවීම් සහ බැංකු මුල්‍ය කළමනාකරණ පනතට අනුව රාජ්‍ය මූල්‍ය වගකීම මනාව ඉටු කිරීමට සහ මූල්‍ය පද්ධතිය කෙරෙහි මහජනතාවගේ විශ්වාසය සුරක්ෂිත කිරීමට මෙම ණය පහසුකම පිටුවහලක් වෙනු ඇති බව ලේකම්වරයා කීවේය.
SLDISහි නීත්‍යනුකූලව ඉටු කිරීමට ඇති හැකියාව වැඩි දියුණු කිරීම සඳහා SLDISහි සංචිත ඉහළ නැංවීමටද එය සහාය වනු ඇත.
ව්‍යාපෘති සංවර්ධන අරමුණු සහ ව්‍යාපෘති සැලසුම්වලට අනුකූලව මහ බැංකුව විසින් ව්‍යාපෘතිය ක්‍රියාත්මක කරනු ඇත.
අමෙරිකානු ඩොලර් මිලියන 150ක මූල්‍ය අංශයේ ආරක්‍ෂිත ජාලය ශක්තිමත් කිරීමේ ව්‍යාපෘතිය සඳහා අදාළ මූල්‍ය ගිවිසුමට ශ්‍රී ලංකා රජය වෙනුවෙන් මුදල් අමාත්‍යංශ්‍ය ලේකම් කේ.එම්. මහින්ද සිරිවර්ධන සහ ජාත්‍යන්තර සංවර්ධන සංගමය වෙනුවෙන් මාලදිවයින, නේපාලය සහ ශ්‍රී ලංකාව සඳහා වන අධ්‍යක්ෂ ෆාරිස් එච්. හඩඩ්-සර්වෝස් මහත්වරු අත්සන් තැබූහ.
About The Author
