ගාසා තීරයට එක්සත් ජාතීන්ගේ මානුෂීය සම්බන්ධීකාරකවරියක්

යුද්ධයෙන් විනාශ වූ ගාසා තීරයට මානුෂීය ආධාර සඳහා එක්සත් ජාතීන්ගේ සම්බන්ධීකාරක ලෙස නෙදර්ලන්තයේ හිටපු නියෝජ්‍ය අගමැති සහ මැදපෙරදිග විශේෂඥයෙකු වන සිග්‍රිඩ් කාග්,(Sigrid Kaag) පත් කර තිබේ.

එක්සත් ජාතීන්ගේ මහලේකම් ඇන්ටෝනියෝ ගුටරෙස්ගේ නිවේදනය සිකුරාදා ආරක්ෂක කවුන්සිලය විසින් යෝජනාවක් සම්මත කිරීමෙන් පසුව, මිලියන 02 කට වැඩි සිවිල් වැසියන්ට ආහාර, ජලය සහ ඖෂධ අවශ්‍යතා ඇති ගාසා තීරය සඳහා ජ්‍යෙෂ්ඨ මානුෂීය සහ ප්‍රතිසංස්කරණ සම්බන්ධීකාරකයෙකු කඩිනමින් පත් කරන ලෙස ඉල්ලා සිටියේය.

චතුර ලෙස අරාබි භාෂාව සහ තවත් භාෂා පහක් කතා කරන කාග්,“දේශපාලන, මානුෂීය සහ සංවර්ධන කටයුතු මෙන්ම රාජ්‍ය තාන්ත්‍රික කටයුතුවල අත්දැකීම් සම්භාරයක් ගෙන එන” බව එක්සත් ජාතීන්ගේ මහලේකම්වරයා පැවසීය. ඇය ජනවාරි 8 වැනිදා රාජකාරී කටයුතු ආරම්භ කිරීමට නියමිතය.

එක්සත් ජාතීන්ගේ මහලේකම් පැවසුවේ,“ගැටුමේ පාර්ශවයක් නොවන රාජ්‍යයන් හරහා” ආධාර බෙදා හැරීම වේගවත් කිරීම සඳහා කාග්, එක්සත් ජාතීන්ගේ යාන්ත්‍රණයක්ද ස්ථාපිත කරනු ඇති බවයි.

එක්සත් ජාතීන්ගේ සහ රාජ්‍ය නොවන සංවිධාන 23ක් විසින් පසුගිය බ්‍රහස්පතින්දා නිකුත් කරන ලද වාර්තාවකට අනුව, ගාසා තීරයේ සමස්ත මිලියන 2.3 ජනගහනය ආහාර අර්බුදයක සිටින අතර, 576,000ක් ජනයා ව්‍යසනකාරී හෝ සාගින්න මට්ටම්වල සිටින අතර සාගතයේ අවදානම සෑම දිනකම වැඩි වෙමින් පවතින බවත් සදහන් වේ.

ඊශ්‍රායල-හමාස් යුද්ධයෙන් මේ වන විට ගාසා තීරයේ පුද්ගලයන් 20,900 කට වැඩි පිරිසක් ඝාතනයට පත් වි ඇති අතර, ඔවුන්ගෙන් තුනෙන් දෙකක් කාන්තාවන් සහ ළමුන් බවත් ගාසා හි සෞඛ්‍ය අමාත්‍යංශය සදහන් කරයි.