නිව්යෝර්ක් නගරය පොළවට ගිලා බසිමින් පවතී – නවතම පර්යේෂණයකින් අනාවරණය කරයි
නිව්යෝර්ක් නගරය ගැන නවතම පර්යේෂණ අනාවරණය
අමෙරිකාවේ ජනාකීර්ණම නගරයක් වන නිව්යෝර්ක් නගරය පොළවට ගිලා බසිමින් පවතින බව නවතම පර්යේෂණයකින් අනාවරණ කර තිබේ.
පර්යේෂකයින් හඳුනාගෙන ඇත්තේ, නගරයේ ඉදිකර ඇති උස් කුළුණු සහ ගොඩනැගිලිවල බර හේතුවෙන් නගරය මෙසේ ගිලා බසිමින් පවතින බවය.
දත්තවලට අනුව නිව්යෝර්ක් නගරය වසරක කාලයක් තුළ මිලිමීටර් 1ත් 2ත් අතර සැලකිය යුතු අගයකින් ගිලා බසිමින් පවතින බවයි.
විද්‍යාඥයින් පවසන්නේ, හරිතාගාර ආචරණය හේතුවෙන් ලොව වටා ග්ලැසියර දියවෙමින්, සාගර ජල මට්ටම ඉහළ යමින් පවතින අතර, එමගින්ද නිව්යෝර්ක් ගිලා බැසීම තීව්‍ර වන බවය.
නිව්යෝර්ක් නගරය ආසන්නයේ සාගර ජල මට්ටම 1950දී පැවති අගයට වඩා සෙන්ටිමිටර් 22කින් ඉහළ යමින් ඇතැයි ද පර්යේෂණ වාර්තාවෙහි සඳහන්ව තිබේ.
පවතින අවදානම හමුවේ නිව්යෝර්ක්හි වෙසෙන මිලියන 8.4ක ජනතාවට ජල ගැලීම් වැනි ස්වභාවික ආපදාවන්ට නිරන්තරයෙන් මුහුණදීමට සිදුවනු ඇතැයි ද විද්‍යාඥයින් පෙන්වා දෙයි.
About The Author
