රු. මි 17.5 සම්බන්ධයෙන් ගෝඨාභයගෙන් ප්‍රකාශයක් ලබා ගන්නා ලෙස අධිකරණයෙන් නියෝග

රු. මි 17.5 සම්බන්ධයෙන් ගෝඨාභයගෙන් ප්‍රකාශයක් ලබා ගන්නා ලෙස අධිකරණයෙන් නියෝග

රු. මි 17.5 සම්බන්ධයෙන් ගෝඨාභයගෙන් ප්‍රකාශයක් ලබා ගන්නා ලෙස අධිකරණයෙන් නියෝග

2022 වසරේ ජුලි 09 වැනිදා අරගල සමයේ ජනාධිපති මන්දිරයේ තිබී හමු වූ රුපියල් මිලියන 17.5 සම්බන්ධයෙන් හිටපු ජනාධිපති ගෝඨාභය රාජපක්ෂ මහතාගෙන් ප්‍රකාශයක් ලබා ගන්නා ලෙස කොටුව මහේස්ත්‍රාත් අධිකරණය විශේෂ අපරාධ කොට්ඨාසයට (13)නියෝග කළේය.

මේ සම්බන්ධයෙන් ගෝඨාභය රාජපක්ෂ මහතාගෙන් ප්‍රකාශ ලබා ගන්නා ලෙස කොටුව මහේස්ත්‍රාත්වරයා නියෝග කළේ මෙතෙක් එම මුදල්වලට අදාළව ප්‍රකාශ ලබාගෙන නැති බවට නීතිඥවරුන් කළ දැනුම්දීමකට අනුවයි.

ජනාධිපති නීතිඥ රියෙන්සි අර්සකුලරත්න සහ නීතිඥ මෛත්‍රී ගුණරත්න යන මහත්වරුන් මේ බව සදහන් කළ අවස්ථාවේ මහේස්ත්‍රාත්වරයා කියා සිටියේ විමර්ශන සිදු කිරීමට අධිකරණ නියෝග අවශ්‍ය නැති බවයි.

ප්‍රකාශ ගැනීමට අත්අඩංගුවට ගැනීමේ නියෝග ලබාදීමට අවශ්‍ය නැති බවද මහේස්ත්‍රාත්වරයා පැවසීය.

අදාළ මුදල් තොගය අරගලකරුවන් විසින් එදිනම පොලිසිය වෙත භාරදුන් අතර පොලිසිය ඒ පිළිබඳව අධිකරණයට දැනුම් දුන්නේය.

Leave a Reply

Your email address will not be published. Required fields are marked *