ඉම්රාන්ට සහාය දුන් මාධ්යවේදීන් 8කට පාකිස්තාන අධිකරණයෙන් ජීවිතාන්ත සිර දඬුවම්
ඉම්රාන්ට සහාය දුන් මාධ්යවේදීන් 8කට පාකිස්තාන අධිකරණයෙන් ජීවිතාන්ත සිර දඬුවම්
හිටපු අගමැති ඉම්රාන් ඛාන්ට සහාය පළකරන ආකාරයේ අන්තර්ජාල ක්රියාකාරකම්වල නිරතවීමෙන් ත්රස්තවාදය වැළැක්වීමේ පනත යටතේ නඩු පවරනු ලැබූ මාධ්යවේදීන් අටදෙනකුට පාකිස්තානයේ අධිකරණයකින් ජීවිතාන්තය දක්වා සිර දඬුවම් නියම කර ඇතැයි විදෙස් මාධ්ය වාර්තා කරයි.
චෝදනා ලැබූ මාධ්යවේදීන් අධිකරණයේ පෙනී නොසිටීම සැලකිල්ලට ගෙන එම තීන්දුව ලබා දී ඇතැයිද විදෙස් මාධ්ය වැඩිදුරටත් වාර්තා කරයි.
වසර 2023 මැයි මාසයේ 9 වැනිදා ඉම්රාන් ඛාන් අත්අඩංගුවට ගැනීමත් සමඟ එම මාධ්යවේදීන් විසින් අන්තර්ජාලයේ සහ සමාජ මාධ්යජාලයේ පළ කරන ලද ප්රකාශ රටපුරා ප්රචණ්ඩ ක්රියා ව්යාප්ත වීමට හේතු වූ බවට චෝදනා එල්ල වී තිබූ බවද වාර්තා වේ.
මාධ්යවේදීන්ට එරෙහිව පාකිස්තාන අධිකරණය මඟින් ලබා දුන් තීන්දුවෙන් එරට මාධ්ය නිදහසට සහ ප්රකාශන අයිතීන්ට බරපතළ තර්ජනයක් සිදුවී ඇතැයිද, ත්රස්ත විරෝධී පනත මාධ්යවේදීන්ට එරෙහිව භාවිත කිරීම එරට මාධ්ය අවදානමට පත් කළ සිදුවීමක් බවට පත්වී ඇතැයිද විදෙස් මාධ්ය සඳහන් කරයි.
About The Author
