මන්ත්රී විශ්රාම වැටුප් අහෝසි කරන ගැසට්ටුව ප්රකාශයට පත් වෙයි
මන්ත්රී විශ්රාම වැටුප් අහෝසි කරන ගැසට්ටුව ප්රකාශයට පත් වෙයි
පාර්ලිමේන්තු මන්ත්රීවරුන්ගේ විශ්රාම වැටුප් අහෝසි කිරීමේ පනත් කෙටුම්පත රජය විසින් ගැසට් නිවේදනයක් මගින් ප්රකාශයට පත් කර තිබේ.
මෙම පනත “පාර්ලිමේන්තු විශ්රාම වැටුප් (ඉවත් කිරීමේ) පනත” ලෙස නම් කර ඇති අතර, එයින් ජාතික රාජ්ය සභාවේ 1977 අංක 1 දරන පාර්ලිමේන්තු විශ්රාම වැටුප් පනත සම්පූර්ණයෙන්ම අහෝසි කෙරේ
අධිකරණ සහ ජාතික ඒකාබද්ධතා අමාත්යවරයාගේ නියෝගය පරිදි මෙම ගැසට් නිවේදනය නිකුත් කර තිබේ.
සැක දුරු කිරීම සඳහා, මේ පනත ක්රියාත්මක වීම ආරම්භ වන දිනයට පෙරාතුව, ජාතික රාජ්ය සභාවේ 1977 අංක 1 දරන පාර්ලිමේන්තු විශ්රාම වැටුප් පනතේ විධිවිධාන ප්රකාර, 1982 අංක 1 දරන පනතේ 9 වන වගන්තියේ විධිවිධාන ප්රකාර හෝ 1990 අංක 47 දරන පනතේ 9 වන වගන්තියේ විධිවිධාන ප්රකාර විශ්රාම වැටුපක් ලැබීමට හිමිකම ඇති සහ ඉහත සඳහන් විධි විධාන යටතේ විශ්රාම වැටුපක් ලබන යම් තැනැත්තකුට මේ පනත ක්රියාත්මක වීම ආරම්භ වන දින සහ එම දිනයට පසුව එම විශ්රාම වැටුප ලැබීම නතර විය යුතු බවට මෙයින් ප්රකාශ කරනු ලැබේ.
About The Author
