ඉන්දියාව බෙංගාල බොක්ක ආශ්‍රිතව මිසයිලයක් අත්හදා බලයි

ඉන්දියාව විශාඛාපට්නම් වෙරළට ඔබ්බෙන් බෙංගාල බොක්ක ආශ්‍රිතව බැලස්ටික් මිසයිලයක් අත්හදා බලා තිබේ.

න්‍යෂ්ටික බලයෙන් ක්‍රියාත්මක වන සබ්මැරීනයක් වන INS අරිගාට් හරහා මෙම K-4 මිසයිලය අත්හදා බලා ඇති බව වාර්තා වේ.

මෙම මිසයිලය කිලෝමීටර් 3,500ක් දුරින් පිහිටි ඉලක්ක වෙත පහර දීම සඳහා නිර්මාණය කර ඇති අතර ඉන්දීය හමුදාවන්ගේ මුහුද පදනම් කරගත් න්‍යෂ්ටික ප්‍රහාරක හැකියාවට ඉන් දැවැන්ත ශක්තියක් සපයන බවද විදෙස් මාධ්‍ය වාර්තා කර තිබේ.

එමෙන්ම මෙම මිසයිලය ටොන් 2.5ක න්‍යෂ්ටික යුධ ශීර්ෂයක් ලබා දීම සඳහා නිපදවා ඇති අතර ඉන්දියාවේ අරිහන්ත් ප්‍රාන්තයේ සබ්මැරීනවලින් දියත් කළ හැකිය.

මුහුදේ සිට දියත් කළ හැකි ඉන්දියාව විසින් අත්හදා බැලූ විශාලතම බැලස්ටික් මිසයිලය වන මෙය සබ්මැරීන් හරහා දියත් කිරීමේ හැකියාවද පවතී.