අමෙරිකානු යානා 2ක් දකුණු චීන මුහුදට කඩා වැටේ
අමෙරිකානු යානා 2ක් දකුණු චීන මුහුදට කඩා වැටෙයි
ආසියානු පැසිෆික් කලාපයේ පිහිටා ඇති අමෙරිකානු නාවික හමුදා කඳවුරට අයත් ප්‍රහාරක ගුවන් යානයක් සහ හෙලිකොප්ටරයක් දකුණු චීන මුහුදේදී අනතුරට ලක් වී ඇතැයි විදෙස් මාධ්‍ය වාර්තා කරයි.
අමෙරිකානු ජනාධිපති ඩොනල්ඩ් ට්‍රම්ප්ගේ ආසියානු සංචාරය ඉලක්ක කරමින් නිරීක්ෂණ කටයුතු සිදු කළ එම යානා ද්විත්වයම දකුණු චීන මුහුදට කඩා වැටී ඇත්තේ මිනිත්තු 30ක් ඇතුළත කාලයකදී බවද විදෙස් මාධ්‍ය වැඩිදුරටත් වාර්තා කරයි.
මේ අනතුර සම්බන්ධව අමෙරිකානු ජනාධිපතිවරයාගේද අවධානය යොමුවී ඇති අතර, මැලේසියාවේ සිට ජපානය බලා පියාසර කරමින් සිටියදී සිය නිල ගුවන් යානයේ සිට වාර්තාකරුවන් අමතා ප්‍රකාශ කර ඇත්තේ එය අසාමාන්‍ය සිදුවීමක් බවය. ඉන්ධන හෝ තාක්ෂණික ගැටලුවක් අනතුරට හේතුවන්නට ඇතැයිද ජනාධිපතිවරයා විශ්වාසය පළ කළ බව වාර්තා වේ. අනතුරට ලක්වූ යානා ද්විත්වයේම කාර්ය මණ්ඩලය නිරුපද්‍රිතව මුදා ගැනීමට ආසියානු පැසිෆික් කලාපයේ අමෙරිකානු නාවික හමුදා කඳවුරේ නිලධාරින් සමත්වූ බව වාර්තා වේ.
About The Author
