“ටෙඩි බෙයාර්” ඇතුළේ කටුනායකට පැමිණි කොකේන් මත්ද්‍රව්‍ය

0
"ටෙඩි බෙයාර්" බෝනික්කන් ඇතුළේ කටුනායකට පැමිණි කොකේන් මත්ද්‍රව්‍ය

"ටෙඩි බෙයාර්" බෝනික්කන් ඇතුළේ කටුනායකට පැමිණි කොකේන් මත්ද්‍රව්‍ය

රුපියල් පනස් එක් කෝටි හැට එක් ලක්ෂ පනස් දහසක් වටිනා කෝකේන් මත්ද්‍රව්‍ය තොගයක් රැගත් විදේශීය ගුවන් මගී කාන්තාවක් අද (30) අලුයම කටුනායක ගුවන් තොටුපොළ පැමිණීමේ පර්යන්තයේ දී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.

38 හැවිරිදි ඇය ස්වයං රැකියාවක නිරත තායිලන්ත ජාතික කාන්තාවකි. ඇය අද දින (30) අලුයම 02.00ට කටාර් රාජ්‍යයේ දෝහා සිට කටාර් ගුවන් සේවයේ කිව්.ආර්.- 662 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි.

ඇය විසින් රැගෙන ආ ගමන් මල්ල තුළ, (”ටෙඩි බෙයාර්”) රෙදි වලින් සකස් කර ඇතුළට පැඩින් නැමැති පුළුන් විශේෂය පුරවා සකස් සෙල්ලම් බෝනික්කන් තිදෙනෙකු තුළ කිලෝ ග්‍රෑම් 10යි ග්‍රෑම් 323ක් බර කොකේන් මත්ද්‍රව්‍ය කරල් 500ක් සගවා ගෙන පැමිණ තිබුණි.

මෙය කටුනායක ගුවන් තොටුපොළ ඉතිහාසයේ විශාලතම මත්ද්‍රව්‍ය වැටලීම බව රේගු මත්ද්‍රව්‍ය පාලන අංශයේ උසස් නිලධාරීවරයෙකු පැවසීය.

මෙසේ අත් අඩංගුවට ගත් මත්ද්‍රව්‍ය තොගය සහ තායිලන්ත ජාතික කාන්තාව මේ පිළිබඳ වැඩිදුර විමර්ශන කටයුතු සදහා කටුනායක ගුවන් තොටුපොළ පොලිස් මත්ද්‍රව්‍ය කාර්යාංශයේ නිලධාරීන් වෙත භාර දීමට පියවර ගෙන තිබේ.

About The Author

Leave a Reply

Your email address will not be published. Required fields are marked *

WP2Social Auto Publish Powered By : XYZScripts.com