යුරෝපා සංගමයේ GSP+ අධීක්ෂණ මෙහෙයුම් කණ්ඩායම ශ්‍රී ලංකාවට
යුරෝපා සංගමයේ GSP+ අධීක්ෂණ මෙහෙයුම් කණ්ඩායම ශ්‍රී ලංකාවට
යුරෝපා සංගමයේ GSP+ අධීක්ෂණ මෙහෙයුම් කණ්ඩායම ශ්‍රී ලංකාවේ සංචාරයක නිරත වීමට නියමිතව තිබෙනවා.
ලබන අප්‍රේල් 28 වනදා සිට මැයි මස 7 වනදා දක්වා එම කණ්ඩායම ශ්‍රී ලංකා සංචාරයේ නිරත වන බවයි විදේශ කටයුතු අමාත්‍යාංශය නිවේදනයක් නිකුත් කරමින් සඳහන් කළේ.
GSP+ වැඩසටහන යටතේ වන ජාත්‍යන්තර සම්මුතීන් 27 ක්‍රියාත්මක කිරීමේදී මෙරට ප්‍රගතිය සමාලෝචනය කිරීම සඳහා යුරෝපා සංගමයේ ප්‍රමුඛ පෙළේ නිලධාරීන් කණ්ඩායමක් මෙලෙස සංචාරයේ නිරත වනු ඇති.
ශ්‍රී ලංකාව විසින් මානව හිමිකම්, කම්කරු අයිතිවාසිකම්, පරිසර ආරක්ෂාව සහ දේශගුණික විපර්යාස මෙන්ම යහපාලනය යන ක්ෂේත්‍ර ආවරණය කරනු ලබනවා.
අදාළ මෙහෙයුම් කණ්ඩායම මෙරට රජයේ නිලධාරීන්, අදාළ ආයතන, දේශපාලනඥයින්, සිවිල් සමාජය, ව්‍යාපාරික සංගම්, වෘත්තීය සමිති හමුවනු ඇති අතර අදාළ ක්ෂේත්‍ර චාරිකාවලද නිරත වනු ඇති.
About The Author
