කච්චතිව් දූපත යළි ලබාගන්න තමිල්නාඩු සභාව ඒකමතික යෝජනාවක් සම්මත කරයි
කච්චතිව් දූපත යළි ලබාගන්න තමිල්නාඩු සභාව ඒකමතික යෝජනාවක් සම්මත කරයි
කච්චතිව් දූපත නැවත අත්පත් කර ගැනීම සඳහා තමිල්නාඩු සභාව ඒකමතික යෝජනාවක් සම්මත කරගෙන තිබෙනවා.
තමිල්නාඩු ධීවරයින් අඛණ්ඩව ශ්‍රී ලංකා නාවික හමුදාවේ අත්අඩංගුවට ගැනීම් සහ බෝට්ටු අත්පත් කර ගැනීම් හේතුවෙන් මුහුණ දෙන දුෂ්කරතා පෙන්වාදෙමින් කච්චතිව් දූපත ශ්‍රී ලංකාවෙන් නැවත අත්පත් කර ගැනීම සඳහා මධ්‍යම රජයට බල කරමින් තමිල්නාඩු සභාව ඒකමතිකව අදාළ යෝජනාව සම්මත කරගෙන ඇති බවයි ඉන්දීය මාධ්‍ය වාර්තා කරන්නේ.
ඒ අනුව තමිල්නාඩු ප්‍රධාන අමාත්‍ය එම්.කේ ස්ටාලින් විසින් කච්චතිව් දූපත නැවත අත්පත් කර ගැනීම සඳහා වන යෝජනාව ඉන්දීය මධ්‍යම රජය වෙත ඉදිරිපත් කර තිබෙනවා.
ඉන්දු – ශ්‍රී ලංකා ගිවිසුම වහා සමාලෝචනය කර කච්චතිව් නැවත ලබාගැනීමට අවශ්‍ය පියවර ගන්නා ලෙස තමිල්නාඩු ප්‍රධාන අමාත්‍යවරයා අදාළ යෝජනාව මගින් ඉන්දීය මධ්‍යම රජයෙන් ඉල්ලා ඇති අතර ශ්‍රී ලංකා රජය රඳවාගෙන සිටින ඉන්දීය ධීවරයින් සහ ඔවුන්ගේ බෝට්ටු නිදහස්කර ගැනීම සඳහා ඉන්දීය අග්‍රාමාත්‍යවරයාගේ ශ්‍රී ලංකා සංචාරයේදී සාකච්ඡා කළ යුතු බවද ඔහු පෙන්වාදී ඇති බව සඳහන්.
මෙහිදී ප්‍රධාන අමාත්‍යවරයා පවසා අත්තේ, තමිල්නාඩු ජනතාවට අතිශයෙන් වැදගත් යෝජනාවක් වන මෙම යෝජනාව ඒකමතිකව සම්මත කර ගැනීමට බලාපොරොත්තු වන බවයි.
About The Author
