විපක්ෂ මන්ත්‍රීවරුන්ට තක්සේරුවකින් පසු ආරක්ෂාව
විපක්ෂ මන්ත්‍රීවරුන්ට තක්සේරුවකින් පසු ආරක්ෂාව
විපක්ෂ මන්ත්‍රීවරුන්ට අවශ්‍ය ආරක්ෂාව ලබාදෙන බව, මහජන ආරක්ෂක අමාත්‍ය ආනන්ද විජේපාල මහතා පවසයි.
ඒ, ආරක්ෂක තක්සේරුවකින් අනතුරුවයි.
අමාත්‍යවරයා සඳහන් කළේ, අදාළ තක්සේරුවෙන් අනතුරුව ලබාදිය යුතු ආරක්ෂාව සම්බන්ධයෙන් තීරණය කරන බවයි.
සිය ආරක්ෂාව අඩුකර ඇතැයි විපක්ෂ මන්ත්‍රීවරුන් පසුගිය දිනවල ආණ්ඩුවට චෝදනා එල්ල කළ අතර
විපක්ෂයේ සියලු මන්ත්‍රීවරුන්ට ප්‍රමාණවත් ආරක්ෂාවක් ලබාදෙන්නැයි විපක්ෂයේ ප්‍රධාන සංවිධායකවරයා පසුගියදා කතානායකවරයාගෙන් ලිඛිත ඉල්ලීමක්ද සිදුකළේය.
කෙසේ වෙතත්, ආණ්ඩු පක්ෂයේ මන්ත්‍රීවරුන් සඳහා එවැනි ආරක්ෂාවක් ලබා නොදෙන බව අමාත්‍යවරයා සඳහන් කළේය.
මේ පිළිබඳව මහජන ආරක්ෂක අමාත්‍ය ආනන්ද විජේපාල මහතා වැඩිදුරටත් සඳහන් කළේ, විපක්ෂ මන්ත්‍රීවරුන්ට අවශ්‍ය ආරක්ෂාව ලබාදීම සම්බන්ධයෙන් මෙතෙක් අවසන් තීරණයක් ගෙන නොමැති බවයි.
මේ අතර, ආරක්ෂාව ඉල්ලා ඇති මන්ත්‍රීවරුන්ට ආරක්ෂාව සම්බන්ධයෙන් පවතින තර්ජන පිළිබඳ වාර්තාවක් ලබා දෙන ලෙස දැනුම් දී තිබේ.
අදාළ තක්සේරුවෙන් අනතුරුව අවශ්‍ය නම් පමණක්, ආරක්ෂාව ලබාදීමට පියවර ගන්නා බව අමාත්‍ය ආනන්ද විජේපාල මහතා පැවසුවේය.
About The Author
