රත්‍රන් මිල පහළට

එක්සත් ජනපද ඩොලරයට සාපේක්ෂව මේ දිනවල ශ්‍රී ලංකා රුපියලේ අගය ශක්තිමත් වීම හේතුවෙන් රත්‍රන් මිලද පහළ බැස තිබේ.

ඒ අනුව රන් පවුමක මිල රුපියල් 17,000 – 15,000 අතර අගයකින් පහළ ගොස් ඇති බව සමස්ත ලංකා ස්වර්ණාභරණ සංගමය සඳහන් කරයි. පසුගිය සතියේ පැවැතියාට වඩා මේ සති අන්තයේ (4,5) රන් පවුමක මිල පහළ බැස තිබේ. ඒ අනුව කැරට් 24 රන් පවුමක් රුපියල් 170,500ක් සහ කැරට් 22 රන් පවුමක් රුපියල් 157,500ක් වශයෙන් ඉකුත් සෙනසුරාදා මිල පහත බැස තිබූ බව එම සංගමයේ ප්‍රකාශකයකු සඳහන් කළේය.