ලිතුවේනියාවේ පොහොර හදන්න ඛනිජ සම්පත් ගන්නේ මහ පොළවෙන්, ඒ නිසා කාබනිකයි – කෘෂිකර්ම අමාත්‍යාංශය
මහ කන්නය සඳහා මෙරටට ආනයනය කරන ලද පොටෑසියම් ක්ලෝරයිඩ් කාබනික පොහොර පිරිසිදු ඛනිජ සම්භවයක් ඇති පොහොර වර්ගයක් බව කෘෂිකර්ම දෙපාර්තමේන්තුවේ අධ්‍යක්ෂ ජනරාල් ආචාර්ය අජන්ත ද සිල්වා මහතා තහවුරු කළ බවයි කෘෂිකර්ම අමාත්‍යාංශය කියන්නේ. කාබනික ගොවිතැන සඳහා මෙම පොහොර යොදා ගැනීම ඉතාම සුදුසු බව කෘෂිකර්ම අධ්‍යක්ෂවරයා නිර්දේශ කර තිබෙන බවද අමාත්‍යාංශය පවසනවා.
ලිතුවේනියාවේ සිට මෙරටට රැගෙන එනු ලැබු මෙට්‍රික් ටොන් 30,000 ක ධාරිතාවෙන් යුතු පොටෑසියම් ක්ලෝරයිඩ් කාබනික පොහොර නොවෙි යැයි පළවන කරුණු වැරදි බවද කෘෂිකර්ම අධ්‍යක්ෂ ජනරාල්වරයා සඳහන් කරනවා.
සබරගමුව විශ්ව විද්‍යාලයේ පාංශු හා කෘෂිකර්ම පීඨයේ මහාචාර්ය හා තිරසර කෘෂිකර්මය සඳහා වු අමාත්‍යාංශ කමිටුවේ සභාපති මහාචාර්ය වී. අයි. යාපා මහතා පවසන්නේ මෙරටට ආනයනය කර ඇති පොටෑසියම් ක්ලෝරයිඩ් කාබනික පොහොර මෙරට එප්පාවල පොස්පේට් පොහොර මෙන් මහ පොළවේ ඛනිජ සම්පත්වලින් නිෂ්පාදනය කරන ලද්දක් බවයි. මේ නිසා මෙම පෙහොර රසායනික පොහොරක් ලෙස හැදින්වීම වැරදි අවබෝධයක් නිසා සිදු කරන ප්‍රකාශයක් බවයි මහාචාර්ය වී. අයි. යාපා මහතා කියන්නේ.
About The Author
