“මීට පෙර ත්‍රස්ත ප්‍රහාර එල්ල වුණත් පොලිස් නිලධාරීන්ට චෝදනා එල්ල වුණේ නෑ” – දේශබන්දු තෙන්නකෝන්
දේශබන්දුගේ පත්වීම ගැන ජනපතිගේ ස්ථාවරය කියන්න, ශ්‍රේෂ්ඨාධිකරණයෙන් අවසර
ත්‍රස්ත ප්‍රහාරයක් සම්බන්ධ බුද්ධි තොරතුරු ලැබීමෙන් පසු එය වැළැක්වීම පහසු කාර්යයක් නොවන බවත්, ඒ සම්බන්ධයෙන් පොලිස් නිලධාරීන්ට චෝදනා කිරීම සාධාරණ නොවන බවත් බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා සදහන් කොට ඇත.
2019 අප්‍රේල් 21 පාස්කු ඉරිදා ත්‍රස්ත ප්‍රහාරය වලක්වා ගැනීමට නොහැකි වීම පිළිබදව ජනාධිපති විමර්ශන කොමිසමේ වාර්තාව මගින් තමන් ඇතුලු පොලිස් නිලධාරීන් පිරිසකට චෝදනා එල්ල කොට තිබීම පිළිබදව අදහස දක්වමින් ‘ද මෝනිං’ පුවත්පතට ප්‍රකාශයක් ලබා දී ඇති ඒ මහතා පෙන්වා දී ඇත්තේ බුද්ධි තොරතුරු ලැබී තිබියදීත් වළක්වා ගැනීමට නොහැකි වූ එකම ත්‍රස්ත ප්‍රහාරය පාස්කු ඉරිදා ප්‍රහාරය නොවන බවකි.
අනුරාධපුර ජය ශ්‍රී මහා බෝධීන් වහන්සේට, මහනුවර ශ්‍රී දළදා මාලිගාවට (දළදා මාලිගාවට) සහ යුද්ධය පැවති බොහෝ ස්ථානවලට එල්ල වූ ත්‍රස්ත ප්‍රහාරය සම්බන්ධයෙන් බුද්ධි තොරතුරු ලැබී තිබූ බවද ඔහු කියා සිටියේය.
“යුද සමයේදී බුද්ධි අංශ තොරතුරු ලැබී තිබුණත් බොහෝ ප්‍රහාර වළක්වා ගැනීමට නොහැකි වුණා. එය ත්‍රස්තවාදයේ ස්වභාවය. එම අවස්ථාවේදී පොලිස් නිලධාරීන්ට දොස් පැවරුවේ නෑ.. ” යනුවෙන් තෙන්නකෝන් මහතා සදහන් කර ඇත.
හිටපු ජනාධිපති රණසිංහ ප්‍රේමදාස මහතා ඝාතනය කිරීමේ කුමන්ත්‍රණයක් පවතින බව බුද්ධි අංශ වෙත තොරතුරු ලැබී තිබූ අතර, ඔහුගේ නිවසින් එළියට නොයන ලෙස දන්වා තිබුණා. ඔහුගේ ආරක්‍ෂක නිලධාරීන්ට පවා තර්ජනය ගැන දන්වා තිබුණා. කෙසේ වෙතත් අවසානයේදී ඔහුව ඝාතනය වුණා. ඊට අමතරව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය ඝාතනය කිරීමේ කුමන්ත්‍රණයක් පවතින බවට ද තොරතුරු ලැබී තිබුණා. විශේෂ හමුවකට නොයන ලෙස ඇයට දන්වා තිබුණා. කෙසේ වෙතත්, ඇයට ත්‍රස්තවාදීන්ගේ ප්‍රහාරයක් එල්ල වූ අතර අවසානයේ එතුමියගේ ඇසේ පෙනීමත් නැති වුණා. නමුත් ඔවුන්ගේ ආරක්ෂාව භාර පොලිස් නිලධාරීන්ට දඩුවම් කළේ නෑ’ යනුවෙන් ඔහු සඳහන් කොට තිබේ.
පාස්කු ඉරිදා ප්‍රහාරය ගැන විමර්ශනය කරන ජනාධිපති විමර්ශන කොමිෂන් සභාවේ (පීසීඕඅයි) අවසාන වාර්තාව මඟින් ඔහුට එරෙහිව විනය පරීක්ෂණයක් පැවැත්වීමට නිර්දේශ කිරීම සාධාරණ නොවන බවද ඔහු තවදුරටත් කියා සිටියේය.
“මම 2019 අප්‍රේල් 17 සිට නිවාඩු ගත කරමින් සිටියේ. මගේ රාජකාරි කටයුතු සිදු කිරීම සඳහා එවකට පොලිස්පතිවරයා (පොලිස්පති) විසින් වෙනත් නිලධාරියෙකුට පවරා තිබුනද, ඔහුගේ නම වාර්තාවේ සඳහන් කර නෑ” යනුවෙන් ඔහු සඳහන් කළේය.
රාජකාරියේ නොසිටින අවස්ථාවක සිදු වූ සිදුවීමක වගකීම බාර ගැනීමට තමා සූදානම් නැති බව ද සඳහන් කළ ඔහු, ඒ අවස්ථාවේ රාජකාරියේ නියුතු නිලධාරියා එයට වගකිව යුතු බවද පැවසීය.
“මට විරුද්ධව විනය පරීක්ෂණයක් කරන්න හැකියාවක් නැහැ. එවකට මගේ රාජකාරි ආවරණය කරමින් සිටි නිලධාරියාට කිසිදු චෝදනාවක් නොකර ඔවුන් මට චෝදනා කරන්නේ කෙසේද? ” ඔහු විමසීය.
තවදුරටත් අදහස් දක්වමින් ඔහු චෝදනා කළේ එක්තරා පාර්ශවයක අවශ්‍යතා සඳහා ජනාධිපති වාර්තාවේ ඔහුගේ නම සඳහන් කර ඇති බවයි.
වාර්තාවේ මා ගැන කර ඇති චෝදනා ඉතාමත් අසාධාරණයි. එබැවින් ඒවා වෙනස් කරන ලෙස මම ඉල්ලා සිටිනවා. මෙය සිදු කර ඇත්තේ යමෙකුගේ බලපෑම මත. ඒ නිසා එහි සඳහන් දේ මට පිළිගන්න බැහැ,” ඔහු වැඩිදුරටත් පැවසීය.
About The Author
